بەهاران

بەهاران کاتێ گوڵ پشکووت لە گوڵزاری گوڵەندامان
خوداوەندی جوانی هاتە بانێژی دڵارامان

چووزە پوونگەی پای بەفراوی دەشت و کۆساران
گوڵ و گوڵغونچەی بەهاری ئەوەڵ بەهاران

ئەوا بووکی بەهاریشم گەڕا وەک ڕۆژی ڕێی شادان
بووە سەرداری گوڵزاران لەگەڵ چینی پەریزادان

چووزە پوونگەی پای بەفراوی دەشت و کۆساران
گوڵ و گوڵغونچەی بەهاری ئەوەڵ بەهاران

پەڕەندەی چەم چریکاندی لە چیمەنزاری نازداران
ئەوا بۆنی گوڵان پرت بوو لەنێو ئاهەنگی دڵداران

چووزە پوونگەی پای بەفراوی دەشت و کۆساران
گوڵ و گوڵغونچەی بەهاری ئەوەڵ بەهاران

لە کاتێ هەر دڵێ مەست بوو بە مسک و عەمبەر و لێوان
لەوێدا لەو هەوارگەیە کە زۆرجار لێی ئەبین میوان

چووزە پوونگەی پای بەفراوی دەشت و کۆساران
گوڵ و گوڵغونچەی بەهاری ئەوەڵ بەهاران

Beharan katê gul pişkût le gulzarî gulendaman
Xudawendî ciwanî hate banêjî dilaraman

Çûze pûngey pay befrawî deşt û kosaran
Gul û gulxunçey beharî ewel beharan

Ewa bûkî beharîşim gera wek rojî rêy şadan
Buwe serdarî gulzaran legel çînî perîzadan

Çûze pûngey pay befrawî deşt û kosaran
Gul û gulxunçey beharî ewel beharan

Perendey çem çirîkandî le çîmenzarî nazdaran
Ewa bonî gulan pirt bû lenêw ahengî dildaran

Çûze pûngey pay befrawî deşt û kosaran
Gul û gulxunçey beharî ewel beharan

Le katê her dilê mest bû be misk û ember û lêwan
Lewêda lew hewargeye ke zorcar lêy ebîn mîwan

Çûze pûngey pay befrawî deşt û kosaran
Gul û gulxunçey beharî ewel beharan