شەمی شەوان

ئەی شەمی شەوان ئەی شەمی شەوان
ئەی شەمی بە شەوق چلچرای شەوان
ئەی ژیانی من ئەی ڕۆحی ڕەوان
ئەی گلێنەکەی دیدەی بێخەوان

ئەی عەنبەرین خاڵ سۆسەنی کڵاف
ئەی ڕووناکایی ڕەشماڵانی جاف
ئەی من پەروانەی پەڕ سووتاوی تۆ
ئەی من گیرۆدەی زۆلفی خاوی تۆ

تۆ جارێ نایەی بۆ سەر وەختی من
گوێ نادەی بە ئاهـ زامی سەختی من
ناپرسی ئاخۆ من بۆ تۆ چۆنم
بێباکی لە تین قرچەی دەروونم
ئەی شەمی شەوان ئەی شەمی شەوان
ئەی شەمی بە شەوق چلچرای شەوان

Ey şemî şewan ey şemî şewan
Ey şemî be şewq çilçiray şewan
Ey jiyanî min ey rohî rewan
Ey gilênekey dîdey bêxewan

Ey enberîn xal sosenî kilaf
Ey rûnakayî reşmalanî Caf
Ey min perwaney per sûtawî to
Ey min gîrodey zolfî xawî to

To carê nayey bo ser wextî min
Gwê nadey be ah zamî sextî min
Napirsî axo min bo to çonim
Bêbakî le tîn qirçey derûnim
Ey şemî şewan ey şemî şewan
Ey şemî be şewq çilçiray şewan