ئێوارەیە

دەسە چیتر نەمامی حەز لە خاکی دڵما مەڕوێنە
ئێوارەیە دەمەگەڕێ و شەقامەکە مەهەژێنە
ئەو لاوانەی لەسەر ڕێتە دڵیان مشتێ گۆشت و خوێنە
ئێوارەیە و دەمەگەڕێ و شەقامەکە مەهەژێنە

ئێوارە دێ و خەڵکی هەموو چاوەڕوانن
تا تێپەڕی و بە تاسەوە بۆت بڕوانن
منیش وەکوو ئەو لاوانە چاوم تینووی سەرنجێکە
تامەزرۆیە و سەرنج ئەدا لە نیگای ئەو چاوە شینە
تێئەپەڕی و هەنگاوەکان ونت ئەکەن
ئەی شۆخەکە هەنگاوەکان بۆ کوێت دەبەن
ون ئەبیت و ئەم لاوانە بە شوێنتا بێ سەر و شوێنە
ئێوارەیە و دەمەگەڕێ و شەقامەکە مەهەژێنە

Dese çîtir nemamî hez le xakî dilma merwêne
Êwareye demegerê û şeqameke mehejêne
Ew lawaney leser rête dilyan miştê goşt û xwêne
Êwareye û demegerê û şeqameke mehejêne

Êware dê û xelkî hemû çawerwanin
Ta têperî û be tasewe bot birwanin
Minîş wekû ew lawane çawrm tînûy serincêke
Tamezroye û serinc eda le nîgay ew çawe şîne
Têeperî û hengawekan winit eken
Ey şoxeke hengawekan bo kwêt deben
Win ebît û em lawane be şwênta bê ser û şwêne
Êwareye û demegerê û şeqameke mehejêne