خاسەکەو - قەتار

خاسەکەوێ لەو کەلە هەڵنیشتووە
خاڵی ڕەش و سووری بە جووت ڕشتووە

ڕاوچی هەموو لەو کەوە دەرکەوتووە
بۆچی دزە؟ جەردەیە؟ کێی کوشتووە؟

ماڵ و زێڕ و زێوەری کێی بردووە؟
کێهە کەسی لە ژیان خستووە؟

بۆچی کەویش حەقی ژیانی نییە؟
حەقی کەژ و کێوی جوانی نییە؟

خاوەنی ئەو کەژ و کێوە هەر کەوە
نەزم و نیزامی کەژ و کێو هەر بەوە

لێی گەڕێ دندووکی بە بەرد تیژ بکا
غوڕە بکا بانگی کوڕ و کیژ بکا

بێنەوە کانیاوێ بخۆن ئاوی ساف
بۆ گوڕەیێ سەربنە بێنە مەساف

Xasekewê lew kele helnîştuwe
Xalî reş û sûrî be cût riştuwe

Rawçî hemû lew kewe derkewtuwe
Boçî dize? cerdeye? kêy kuştuwe?

Mal û zêr û zêwerî kêy birduwe?
Kêhe kesî le jyan xistuwe?

Boçî kewîş heqî jyanî nîye?
Heqî kej û kêwî cwanî nîye?

Xawenî ew kej û kêwe her kewe
Nezim û nîzamî kej û kêw her bewe

Lêy gerê dindûkî be berd tîj bika
Xure bika bangî kur û kîj bika

Bênewe kanyawê bixon awî saf
Bo gureyê serbine bêne mesaf