هەڵبەستی دەروون

هەرچەند ئەکەم ئەو خەیاڵەی پێی مەستم
بۆم ناخرێتە ناو چوارچێوەی هەڵبەستم

لێکدانەوەی دەروون قسەی زمانم
بۆچی وەها دوورن لەیەک نازانم
ئەمویست دەروون بکرایەوە وەک تۆمار
دەرکەوتایە دنیای جوانتر لە بەهار
دەرکەوتایە ئاوات هیوا خەوبینین
پرشنگدارتر لە ئەستێرەی قوبەی شین

دەرکەوتایە مانای مەنگی دەریایی
کە نەرمەبا لە ڕووی ئەیا بە ئەسپایی
دەرکەوتایە ئەو دنیایە کە شیعری
بێ فرمێسکە و زۆرتر لە فرمێسک ئەگری
زەردەخەنەی بێ ئاوێنەی دەم و چاو
تیژگێک ئەدا ڕووناکترە لە هەتاو
لە ناوەوە ئەجریوێنن ئەخوێنن
هەرگیز قەڵەم بە کاغەزا ناهێنن!

Herçend ekem ew xeyaley pêy mestim
Bom naxrête naw çwarçêwey helbestim

Lêkdanewey derûn qisey zimanim
Boçî weha dûrin leyek nazanim
Emwîst derûn bikirayewe wek tomar
Derkewtaye dinyay cwantir le behar
Derkewtaye awat hîwa xewbînîn
Pirşingidartir le estêrey qubey şîn

Derkewtaye manay mengî deryayî
Ke nermeba le rûy eya be espayî
Derkewtaye ew dinyaye ke şî’rî
Bê firmêske û zortir le firmêsk egrî
Zerdexeney bê awêney dem û çaw
Tîjgêk eda rûnaktire le hetaw
Le nawewe ecrîwênin exwênin
Hergîz qelem be kaxeza nahênin!