داربەڕوو

دنیا لە جووڵە ناکەوێ
بیر ناسرەوێ
بەڵام مێژوو هاوار ئەکات
لەو کاتەوەی داری بەڕوو
بنی ڕۆچوو
هەتا ئیستا هاوار ئەکات
پێمان ئەڵێ
هەر بەهێزە لاواز ئەخوات
ژین وا ئەڕوات
بەڵام مەترسن مەشڵەژێن
هەرچەندە کەم
چاوم ئەیبینێ
ترووسکەیەک بەدی ئەکەم
لە کۆنەوە هەتا ئیستا
ناوی ئاواتی لێ ئەنێن
بەدیی ئەکەم
داری بەڕوو بنی ڕۆچوو
قەدی ڕزی لقی فەوتا
لەشی سووتا دووکەڵ لە ناو سکی هەستا
مەڵێن سەیرە بەڵام هێشتا بەڕوو ماوە
مەڵێن سەیرە گیانی بەڕوو نەفەوتاوە
ڕەگی قووڵی بنج و بێخی بەڕوو ماوە
هیوا ماوە

Dinya le cûle nakewê
Bîr nasrewê
Belam mêjû hawar ekat
Lew katewey darî berû
Binî roçû
Heta îsta hawar ekat
Pêman elê
Her behêze lawaz exwat
Jîn wa erwat
Belam metirsin meşlejên
Herçende kem
Çawim eybînê
Tirûskeyek bedî ekem
Le konewe heta îsta
Nawî awatî lê enên
Bedîy ekem
Darî berû binî roçû
Qedî rizî liqî fewta
Leşî sûta dûkel le naw sikî hesta
Melên seyre belam hêşta berû mawe
Melên seyre gyanî berû nefewtawe
Regî qûlî binc û bêxî berû mawe
Hîwa mawe