فرمێسک

قەترەیە فرمێسکی چاوە جوانەکەت کەوتە سەر لێوم
تامەزرۆیی دا بە هەناسە و دڵەی غەمبار و پەشێوم
ببارێنە فرمێسکی گەش ببارێنە
بهاژێنە سینە و جەرگم بهاژێنە

کە فرمێسکی چاوەکانت بە ڕووی گەشتا دێنە خوارێ
بڕوشەی بارانی سۆزە خۆشەویستی لێ دەبارێ
خەمڕەوێنە وشەی جوانت خەمڕەوێنە
هەستبزوێنە نیگای چاوت هەستبزوێنە

خۆشەویستیت ئاگرێکە کڵپە و بڵێسەی بە تینە
سینەت کانیاوی کوێستانە بەهەشتێکی سەرزەمینە
خۆت بنوێنە تۆ مەرگی من خۆت بنوێنە
مەمڕەنجێنە تۆ ویژدانت مەمڕەنجێنە

چاوی شەرمنی بێنازت کە جارجارە هەڵیان دێنی
خۆ دەزانم خۆشەویستی و وەفاداری تیا دەنوێنی
بگرمێنە چون هەوری تاو بگرمێنە
ببارێنە بە خوڕ فرمێسک ببارێنە
قەترەیە فرمێسکی چاوە جوانەکەت کەوتە سەر لێوم
تامەزرۆیی دا بە هەناسە و دڵەی غەمبار و پەشێوم
ببارێنە فرمێسکی گەش ببارێنە
بهاژێنە سینە و جەرگم بهاژێنە

Qetreye firmêskî çawe cwaneket kewte ser lêwim
Tamezroyî da be henase û diley xembar û peşêwim
Bibarêne firmêskî geş bibarêne
Bihajêne sîne û cergim bihajêne

Ke firmêskî çawekanit be rûy geşta dêne xwarê
Biruşey baranî soze xoşewîstî lê debarê
Xemrewêne wişey cwanit xemrewêne
Hestibziwêne nîgay çawit hestibziwêne

Xoşewîstît agirêke kilpe û bilêsey be tîne
Sînet kanyawî kwêstane beheştêkî serzemîne
Xot binwêne to mergî min xot binwêne
Memrencêne to wîjdanit memrencêne

Çawî şerminî bênazit ke carcare helyan dênî
Xo dezanim xoşewîstî û wefadarî tya denwênî
Bigirmêne çun hewrî taw bigirmêne
Bibarêne be xur firmêsk bibarêne
Qetreye firmêskî çawe cwaneket kewte ser lêwim
Tamezroyî da be henase û diley xembar û peşêwim
Bibarêne firmêskî geş bibarêne
Bihajêne sîne û cergim bihajêne