بە تەوڕات

مەجلیسێکیان گرتووە قوڕعەی وا لە تارانێ
چوار کیژیان پەسەند کردووە وەی لە عێڕاق و عێرانێ
ئامین گیان لە سەنگەسەر سەیزادەی لە بازیانێ
تووبا چاوجوان لە بورهانە و خەجێ ماڵ لە بۆکانێ
بە تەوڕات بە تەوڕات گەردن قورینگ و لێو نەبات
ناسکۆڵێ خۆت قەولت دا لەبەر چی یارم نەهات
ئاوری لە من بەرداوە سوورەگوڵەکەی مهاباد

وەباڵم بەستۆ جوانی سەرتۆپی کوردستانی
نەخشی لە کوردستانی
من لەبەر ئەو گۆزە دەمرم ناسکۆڵ دەیبات بۆ کانی
باسکم وە ژوور سەری دە تۆ لە شەوڕاوێ دەزانی
بە تەوڕات بە تەوڕات گەردن قورینگ و لێو نەبات
قەولی دامێ بۆی مردم بێوەفا بۆچی نەهات

بازی یانە شمقاڕی کۆتری لە سیلەی جاڕی
جوانی بێچووە توجاڕی
با لەسەر تۆ بمکوژن وەک کابرای لە بازاڕی
بە تەوڕات و بە تەوڕات بە تەورات و ئینجیلە
ئەو دڵەم بۆ تۆ زەلیلە
نەخۆش و دەردەدارم چاوی ڕاستم کەنیلە

بەفری لە کەلیخانی کەروێشکی گەرمەلانی
ناسکۆڵ ماڵ لە سولێمانی
پێم گوت ئاوێزانت بم شەوێک تاکوو بەیانی
بە تەوڕات بە تەوڕات گەردن قورینگ و لێو نەبات
بۆخۆت قەولت دا مانگی تازە لە نوێ هات
بۆخۆت قەولت دا جوانێ مانگی تازە لە نوێ هات

Meclîsêkyan girtuwe qur’ey wa le taranê
Çwar kîjyan pesend kirduwe wey le ’êraq û ’êranê
Amîn gyan le sengeser seyzadey le bazyanê
Tûba çawciwan le burhane û xecê mal le bokanê
Be tewrat be tewrat gerdin qurîng û lêw nebat
Naskolê xot qewlit da leber çî yarim nehat
Awrî le min berdawe sûregulekey mihabad

Webalim besto cwanî sertopî kurdistanî
Nexşî le kurdistanî
Min leber ew goze demirim naskol deybat bo kanî
Baskim we jûr serî de to le şewrawê dezanî
Be tewrat be tewrat gerdin qurîng û lêw nebat
Qewlî damê boy mirdim bêwefa boçî nehat

Bazî yane şimqarî kotrî le sîley carî
Cwanî bêçuwe tucarî
Ba leser to bimkujin wek kabray le bazarî
Be tewrat û be tewrat be tewrat û încîle
Ew dilem bo to zelîle
Nexoş û derdedarim çawî rastim kenîle

Befrî le kelîxanî kerwêşkî germelanî
Naskol mal le sulêmanî
Pêm gut awêzanit bim şewêk takû beyanî
Be tewrat be tewrat gerdin qurîng û lêw nebat
boxot qewlit da mangî taze le nwê hat
Boxot qewlit da cwanê mangî taze le nwê hat