دڵم ماتی

دڵم ماتی غەمی هیجرانی تۆیە
نەخۆشی دەردی بێ دەرمانی تۆیە
ئەوە عومرێکە چاوم چاوەکانم
خەریکی شیوەن و گریانی تۆیە

برینم کارییە جەرگم بڕاوە
ئەویش کاری برۆ و موژگانی تۆیە
دڵی بردووم* نیگای چاوی خومارت
یەکە و گیراوی دوو مەستانی تۆیە
دڵم ماتی غەمی هیجرانی تۆیە
نەخۆشی دەردی بێ دەرمانی تۆیە
هەواڵی ڕۆژی مەحشەر گەر دەپرسی
خەبەر دەستی من و دامانی تۆیە

ئەگەر پەیمانەکەی دەستت شکاندم
دڵم مەشکێنە هاوپەیمانی تۆیە
ئەتۆ سووچت نەبوو چاوت منی کوشت
مەفەرموو چاوەکەم تاوانی تۆیە

Dilim matî xemî hîcranî toye
Nexoşî derdî bê dermanî toye
Ewe ’umrêke çawim çawekanim
Xerîkî şîwen û giryanî toye

Birînim karîye cergim birawe
Ewîş karî biro û mujganî toye
Dilî birdûm* nîgay çawî xumarit
Yeke û gîrawî dû mestanî toye
Dilim matî xemî hîcranî toye
Nexoşî derdî bê dermanî toye
Hewalî rojî mehşer ger depirsî
Xeber destî min û damanî toye

Eger peymanekey destit şikandim
Dilim meşkêne hawpeymanî toye
Eto sûçit nebû çawit minî kuşt
Mefermû çawekem tawanî toye