ئاوازی ڕۆح

بێ دین بم ئەگەر لالە بچێنم
بێ دین بم ئەگەر ئاوی بۆ بێنم
من داخی لالە زۆرە لە دڵما
بێ دین بم ئەگەر ناوی بهێنم

ئاوی لێوان بێ کەوسەرم ناوێ
جەوهەرپەرستم گەوهەرم ناوێ
گیانی من پووشە و جوانیی تۆ ئاگر
ئاگر بەبێ پووش ناسووتێ تاوێ

گەر دڵ دڵبەرە ئەی دڵبەر کامە؟
گەر دڵبەر دڵە ئەی دڵ چی نامە؟
دڵم و دڵبەرم وەک یەک دەبینم
نە دڵم دیارە و نە دڵبەر لامە

Bê dîn bim eger lale biçênim
Bê dîn bim eger awî bo bênim
Min daxî lale zore le dilma
Bê dîn bim eger nawî bihênim

Awî lêwan bê kewserim nawê
Cewherperistim gewherim nawê
Gyanî min pûşe û cwanîy to agir
Agir bebê pûş nasûtê tawê

Ger dil dilbere ey dilber kame?
Ger dilber dile ey dil çî name?
Dilim û dilberim wek yek debînim
Ne dilim dyare û ne dilber lame