خاسەکەو

خاسەکەوێ لەو کەژە هەڵنیشتووە
خاڵی ڕەش و سووری بە جووت ڕشتووە
ڕاوچی هەمووی لەو کەوە دەرکەوتووە
بۆچی دزە؟ جەردەیە؟ کێی کوشتووە؟

کێهە کەسی ئەو لە ژیان خستووە؟
ماڵ و مەڕ و زێوەری کێی بردووە؟
باعیسی قەتڵی چییە؟ بیستوویەتی
ژینی بە سەربەستییە، ویستوویەتی

بێنەوە کانیاوێ، بخۆن ئاوی ساف
بۆ گوڕەیی سەربنە بێنە مەساف
لێی گەڕێ دەندووکی بە بەرد تیژ بکا
گوڕڕە بکا و بانگی کوڕ و کیژ بکا

کوڕ بە گوڕەگوڕ وەکوو شێر و پڵنگ
کچ بە شنەشن بە خرنگەخرنگ
بێن و بڵێن: خاوەنی کێوان ئەمەین
سوورە دەنووکمان، بە دەنووک شەڕ دەکەین
خاوەنی ئەم خاسەکەوەش هەر دەڵێ:
ڕاوچی دەبێ لەم کەژ و کێوە هەڵێ
خاسەکەوێ لەو کەلە هەڵنیشتووە
خاسەکەوێ لەو کەژە هەڵنیشتووە
خاڵی ڕەش و سووری بە جووت ڕشتووە
ڕاوچی هەمووی لەو کەوە دەرکەوتووە
بۆچی دزە؟ جەردەیە؟ کێی کوشتووە؟

Xasekewê lew keje helnîştuwe
Xalî reş û sûrî be cût riştuwe
Rawçî hemûy lew kewe derkewtuwe
Boçî dize? cerdeye? kêy kuştuwe?

Kêhe kesî ew le jyan xistuwe?
Mal û mer û zêwerî kêy birduwe?
Ba’îsî qetlî çîye? bîstûyetî
Jînî be serbestîye, wîstûyetî

Bênewe kanyawê, bixon awî saf
Bo gureyî serbine bêne mesaf
Lêy gerê dendûkî be berd tîj bika
Gurre bika û bangî kur û kîj bika

Kur be guregur wekû şêr û piling
Kiç be şineşin be xiringexiring
Bên û bilên: xawenî kêwan emeyn
Sûre denûkman, be denûk şer dekeyn
Xawenî em xasekeweş her delê:
Rawçî debê lem kej û kêwe helê
Xasekewê lew kele helnîştuwe
Xasekewê lew keje helnîştuwe
Xalî reş û sûrî be cût riştuwe
Rawçî hemûy lew kewe derkewtuwe
Boçî dize? cerdeye? kêy kuştuwe?