نییە لە ماڵ

باڵابەرزەی کەڵەگەتێ
گەر دەستێکم من دەتگاتێ
سەد ماچ دەکەم بە کەڕەتێ
هەرچی دەچم نییە لە ماڵ
نییە لە ماڵ، نییە لە ماڵ
لە ماڵ نیە قەت نییە لە ماڵ

ئەو چاوانەی هەڵیان دێنی
بە کل و دەرمان دەیڕەنگێنی
ڕۆژێ مردووم لێ دەمرێنی
هەرچی من دەچم نییە لە ماڵ
نییە لە ماڵ، نییە لە ماڵ
لە ماڵ نییە قەت نییە لە ماڵ

ڕۆژی جومعان پاش سەڵایە
دوو چت خۆشە لە دنیایە
ئیمان و چاوم لەیلایە
چیت بۆ بڵێم بە کار نایێ
هەرچی من دەچم نییە لە ماڵ
نییە لە ماڵ، نییە لە ماڵ
لە ماڵ نییە قەت نییە لە ماڵ

بیستوومە شەکراوت دەخورێ
لەسەر دڵمە بووەتە گرێ
نان و ئاوم پێ ناخورێ
هەرچی من دەچێ نییە لە ماڵ
یاری خۆشجەماڵ مەمک پرتەقاڵ
قژزەرد و چاوکاڵ قەت نییە لە ماڵ

ساقی ئەو پیاڵەم بۆ بێنە
عەکسی لەیلێی تیا بنوێنە
تەبارەکی تیا بخوێنە
هەرچی دەچم و نییە لە ماڵ
یاری خۆشجەماڵ مەمک پرتەقاڵ
قژزەرد و چاوکاڵ بۆچ نییە لە ماڵ

لە حوجرەیدا خەتمم دەکرد
یەک تر لە تاودا بانگی کرد
قوڕت بەسەر لێوئاڵیان برد
هەرچی من دەچم نییە لە ماڵ
نییە لە ماڵ، نییە لە ماڵ
لە ماڵ نییە قەت نییە لە ماڵ

بیستوومە شەکراوی دەخورێ
لەسەر دڵەکەم بوو بە گرێ
نان و ئاوم پێ ناخورێ
هەرچی من دەچم نییە لە ماڵ
یاری خۆشجەماڵ مەمک پرتەقاڵ
قژزەرد و چاوکاڵ قەت نییە لە ماڵ

Balaberzey kelegetê
Ger destêkim min detgatê
Sed maç dekem be keretê
Herçî deçim nîye le mal
Nîye le mal, nîye le mal
Le mal nye qet nîye le mal

Ew çawaney helyan dênî
Be kil û derman deyrengênî
Rojê mirdûm lê demrênî
Herçî min deçim nîye le mal
Nîye le mal, nîye le mal
Le mal nîye qet nîye le mal

Rojî cum’an paş selaye
Dû çit xoşe le dinyaye
Îman û çawim leylaye
Çît bo bilêm be kar nayê
Herçî min deçim nîye le mal
Nîye le mal, nîye le mal
Le mal nîye qet nîye le mal

Bîstûme şekirawit dexurê
Leser dilme buwete girê
Nan û awim pê naxurê
Herçî min deçê nîye le mal
Yarî xoşcemal memk pirteqal
Qijzerd û çawkal qet nîye le mal

Saqî ew pyalem bo bêne
’eksî leylêy tya binwêne
Tebarekî tya bixiwêne
Herçî deçim û nîye le mal
Yarî xoşcemal memk pirteqal
Qijzerd û çawkal boç nîye le mal

Le hucreyda xetmim dekird
yek tir le tawda bangî kird
Qurit beser lêw’alyan bird
Herçî min deçim nîye le mal
Nîye le mal, nîye le mal
Le mal nîye qet nîye le mal

Bîstûme şekirawî dexurê
Leser dilekem bû be girê
Nan û awim pê naxurê
Herçî min deçim nîye le mal
Yarî xoşcemal memk pirteqal
Qijzerd û çawkal qet nîye le mal