یا وەتەن یا مردنم

دوژمنی بەدخوو ئەگەر تۆ بمدەیەی زێڕی وڵات
دار و بەرد و خاک و خۆڵم بۆ بکەیتە حاسڵات
بمکەیە سەرداری دونیا تاجیم شاهیم کەی خەڵات
شەرتە تێی هەڵدەم لە تاجت بیگەیێنمە ڕۆژهەڵات
چۆن دەبێ مەحکوومی تۆ بم کەج بکەم بۆت گەردنم
نامەوێ ئەو ژینە تاڵە یا وەتەن یا مردنم

لاوەکان گەر ڕۆح فیدا کەن بۆ وەتەن هێشتا کەمە
گەر بدا ئاوی حەیاتی دوژمنت ژەهرە غەمە
خۆشە دەردێکی کە دایکی نیشتیمانی مەرهەمە
سینگەکەم قەڵغانی تۆیە ئەی وەتەن پێشمەرگەمە
ژینی من قوربانی تۆ بێ جا بڵیندە گەردنم
نامەوێ ئەو ژینە تاڵە یا وەتەن یا مردنم

غەم مەخۆ دایکی وەتەن تۆوی مرادت شین ئەکا
لاوی تۆ سەرخۆشە ئەوڕۆ پاکی داوای ژین ئەکا
داخی باڵای سەوزی تۆیە دوژمنت هەر شین ئەکا
تینی زوڵمی کۆنی تۆیە قەلبی من پڕ کین ئەکا
نامەوێ ژێردەستی دوژمن بێتە تەوقی گەردنم
نامەوێ ئەو ژینە تاڵە یا وەتەن یا مردنم

Dujminî bedxû eger to bimdeyey zêrî wilat
Dar û berd û xak û xolim bo bikeyte haslat
Bimkeye serdarî dunya tacîm şahîm key xelat
Şerte têy heldem le tacit bîgeyênme rojhelat
Çon debê mehkûmî to bim kec bikem bot gerdinim
Namewê ew jîne tale ya weten ya mirdinim

Lawekan ger roh fîda ken bo weten hêşta keme
Ger bida awî heyatî dujminit jehre xeme
Xoşe derdêkî ke daykî nîştîmanî merheme
Sîngekem qelxanî toye ey weten pêşmergeme
Jînî min qurbanî to bê ca bilînde gerdinim
Namewê ew jîne tale ya weten ya mirdinim

Xem mexo daykî weten towî miradit şîn eka
Lawî to serxoşe ewro pakî daway jîn eka
Daxî balay sewzî toye dujminit her şîn eka
Tînî zulmî konî toye qelbî min pir kîn eka
Namewê jêrdestî dujmin bête tewqî gerdinim
Namewê ew jîne tale ya weten ya mirdinim