ئازیزم وەرە لام

ئەزیزم وەرە لام تۆ ژیانی
تۆ ژیانی دڵەی کامەرانی
لە دەردی دڵم باش ئەزانی
سا وەرە ناخۆشە چاوەڕوانی
گیان چاوەڕوانی

کەنیشکی کورسانی خانومانی
کەوی لالەزاری دەم بەیانی
ئاواتی دڵەی عاشقانی
نەوگوڵی باغچەی بەهارانی
گیان بەهارانی

تەواری بەسامی لوتکەکانی
لە دڵم شل دەگری بە ئاسانی
بەرزەفڕ و سرک و لەبەردڵانی
ژیکەڵە و نەشمیلە و زێدە جوانی
یار زێدە جوانی

شکۆفەی گەشاوەی سەرچڵانی
بەڕەزای پەخشانی بنارانی
بژوێنی ڕۆخی ڕووبارانی
بولبولی بە نەغمەی سەر بەردانی
یار سەربەردانی

وەنەوشەی ژاکاوی نسارانی
گوڵاڵەسوورەی سەوزەڵانی
بەرخەڵە مزی هەوارانی
چی بڵێم شیرینتر لە گیانی
یار لە گیانی

Ezîzim were lam to jyanî
To jyanî diley kameranî
Le derdî dilim baş ezanî
Sa were naxoşe çawerwanî
Gyan çawerwanî

Kenîşkî kursanî xanumanî
Kewî lalezarî dem beyanî
Awatî diley ’aşiqanî
Newgulî baxçey beharanî
Gyan beharanî

Tewarî besamî lutkekanî
Le dilim şil degrî be asanî
Berzefir û sirk û leberdilanî
Jîkele û neşmîle û zêde cwanî
Yar zêde cwanî

Şikofey geşawey serçilanî
Berezay pexşanî binaranî
Bijwênî roxî rûbaranî
Bulbulî be nexmey ser berdanî
Yar serberdanî

Wenewşey jakawî nisaranî
Gulalesûrey sewzelanî
Berxele mizî hewaranî
Çî bilêm şîrîntir le gyanî
Yar le gyanî