هەڵاڵەی کوێستان

جارجار بە ڕووی ناز لێوی ئەبردەوە
هەر وەک گوڵباخی دەمی ئەکردەوە
هەڵاڵەی کوێستان سوور ئەکاتەوە
سەر گۆنای یارم بیر ئەخاتەوە

لە دوورەو هاتی کەم کەم ئەشنیای
هەر وەک گوڵباخی لە باخا کنیای
هەڵاڵەی کوێستان سوور ئەکاتەوە
سەر گۆنای یارم بیر ئەخاتەوە

سەیر کە ئەو دەمە بڕوا ئەو لێوە
ئەیژی گوڵباخی تۆی گەڵامێوە
هەڵاڵەی کوێستان سوور ئەکاتەوە
سەر گۆنای یارم بیر ئەخاتەوە

دوێشەو کە بە ناز کردبووتە سەربان
بەو مانگەشەودا سەرو لێم شێوان
ئاخر نەمدیبوو هەتاکوو دوێشەو
دوو مانگ بدرەوشێ لە یەک ئاسمان

سوێندم بە سووری گوڵاڵەسوورە
وەختێ لەلامی غەم لە من دوورە
هەڵاڵەی کوێستان سوور ئەکاتەوە
سەر گۆنای یارم بیر ئەخاتەوە

ئاو لە شەتاو خوارد پەڕەی گوڵ وە دەم
چاوم لێ بووڕە با خەفەت نەخوەم
هەڵاڵەی کوێستان سوور ئەکاتەوە
سەر گۆنای یارم بیر ئەخاتەوە

Carcar be rûy naz lêwî ebirdewe
Her wek gulbaxî demî ekirdewe
Helaley kwêstan sûr ekatewe
Ser gonay yarim bîr exatewe

Le dûrew hatî kem kem eşnyay
Her wek gulbaxî le baxa kinyay
Helaley kwêstan sûr ekatewe
Ser gonay yarim bîr exatewe

Seyr ke ew deme birwa ew lêwe
Eyjî gulbaxî toy gelamêwe
Helaley kwêstan sûr ekatewe
Ser gonay yarim bîr exatewe

Dwêşew ke be naz kirdibûte serban
Bew mangeşewda seru lêm şêwan
Axir nemdîbû hetakû dwêşew
Dû mang bidrewşê le yek asman

Swêndim be sûrî gulalesûre
Wextê lelamî xem le min dûre
Helaley kwêstan sûr ekatewe
Ser gonay yarim bîr exatewe

Aw le şetaw xward perey gul we dem
Çawim lê bûre ba xefet nexwem
Helaley kwêstan sûr ekatewe
Ser gonay yarim bîr exatewe