ئەوین سنووری نییە

بۆیە چاوم خۆشەوێ چونکە تۆی پێ ئەبینم
ئەی هاوخەمی گریانم هاودەمی پێکەنینم
بۆیە زارم خۆشەوێ ناوی تۆی پێ ئەهێنم
کاتێ کە ناوت ئەبەم ئەشکێ هیلاکی ژینم
بە ناوە قەشەنگەکەت ئەشکێ هیلاکی ژینم

ژیانم تاریکییە گەر ئەوینی تۆ نەبێ
تەمەن وەک بەهارێکە کە نێرگزی پێ نەبێ
ئەوین سنووری نییە هاوڕێگا ئازیزەکەم
ئەوین سنووری نییە هاوسەرە ئازیزەکەم
یاخوا بە حەیرانت بێ حەیران و ئاوازەکەم

دوور لە وڵاتی سۆزم ڕۆحی من بێلانەیە
ئاسەوارێکی ڕووخاو شارێکی وێرانەیە
دڵم بەردەبازێکی ڕێگای ئەو جێژوانەیە
دەبا عالەم پێم بڵێن کوڕێکی دێوانەیە

بۆیە چاوم خۆشەوێ چونکە تۆی پێ ئەبینم
ئەی هاوخەمی گریانم هاودەمی پێکەنینم
بۆیە زارم خۆشەوێ ناوی تۆی پێ ئەهێنم
کاتێ کە ناوت ئەبەم ئەشکێ هیلاکی ژینم
بە ناوە قەشەنگەکەت ئەشکێ هیلاکی ژینم

Boye çawim xoşewê çunke toy pê ebînim
Ey hawxemî giryanim hawdemî pêkenînim
Boye zarim xoşewê nawî toy pê ehênim
Katê ke nawit ebem eşkê hîlakî jînim
Be nawe qeşengeket eşkê hîlakî jînim

Jyanim tarîkîye ger ewînî to nebê
Temen wek beharêke ke nêrgizî pê nebê
Ewîn sinûrî nîye hawrêga azîzekem
Ewîn sinûrî nîye hawsere azîzekem
Yaxwa be heyranit bê heyran û awazekem

Dûr le wilatî sozim rohî min bêlaneye
Asewarêkî rûxaw şarêkî wêraneye
Dilim berdebazêkî rêgay ew cêjwaneye
Deba ’alem pêm bilên kurêkî dêwaneye

Boye çawim xoşewê çunke toy pê ebînim
Ey hawxemî giryanim hawdemî pêkenînim
Boye zarim xoşewê nawî toy pê ehênim
Katê ke nawit ebem eşkê hîlakî jînim
Be nawe qeşengeket eşkê hîlakî jînim