غەمزەدەی خۆتم

غەمزەدەی خۆتم نیشانەی تیری موژگانم مەکە
عاشقی ڕووتم عەزیزم، تیرەبارانم مەکە

عاشقی نازێکی* تۆم با بەس بە ئاه و ناڵە بم
بولبولم پەروانە نیم و حەز بە سووتانم مەکە

دڵ بە من ناکا لەبەر ئاوری دەروونم دێتە جۆش
تۆ کە سووتانت نەدیوە مەنعی گریانم مەکە

سەد کەڕەت کوژراوی یار بم لێم مەپرسە ئەی تەبیب
دەردی یارم خۆشترە بێهوودە دەرمانم مەکە

Xemzedey xotim nîşaney tîrî mujganim meke
’aşiqî rûtim ’ezîzim, tîrebaranim meke

’aşiqî nazêkî* tom ba bes be ah û nale bim
Bulbulim perwane nîm û hez be sûtanim meke

Dil be min naka leber awrî derûnim dête coş
To ke sûtanit nedîwe men’î giryanim meke

Sed keret kujrawî yar bim lêm mepirse ey tebîb
Derdî yarim xoştire bêhûde dermanim meke