سەربازی ون - بێ مۆسیقا

کە وەفدێک دەچێتە شوێنێ
بۆ سەر گۆڕی سەربازی ون
تاجەگوڵینەیەک دێنێ
ئەگەر سبەی وەفدێک بێتە وڵاتی من
لێم بپرسێ:
"کوانێ گۆڕی سەربازی ون؟"
دەڵێم: گەورەم!
لە کەناری هەر جۆگایێ
لەسەر سەکۆی هەر مزگەوتێ
لەبەر دەرگای هەر ماڵێ
هەر کڵێسەیێ، هەر ئەشکەوتێ
لەسەر گابەردی هەر شاخێ
لەسەر درەختی هەر باخێ
لەم وڵاتە، لەم وڵاتە
لەسەر هەر بستە زەمینێ
لەژێر هەر گەزە ئاسمانێ
مەترسە کەمێک سەر داخە و تاجەگوڵینەکەت دانێ
تاجەگوڵینەکەت دانێ

Ke wefdêk deçête şwênê
Bo ser gorî serbazî win
Tacegulîneyek dênê
Eger sibey wefdêk bête wilatî min
Lêm bipirsê:
"kwanê gorî serbazî win?"
Delêm: gewrem!
Le kenarî her cogayê
Leser sekoy her mizgewtê
Leber dergay her malê
Her kilêseyê, her eşkewtê
Leser gaberdî her şaxê
Leser dirextî her baxê
Lem wilate, lem wilate
Leser her biste zemînê
Lejêr her geze asmanê
Metirse kemêk ser daxe û tacegulîneket danê
Tacegulîneket danê