تۆش وەکوو من

تۆش وەکوو من پێکەنینت لە گریانا بەجێ ماوە
وەک نەمامی دەم ڕەشەبا چڵ و چرۆت لێ شکاوە
دیارە کە تۆش بێدەنگبوونت حیکایەت و ڕۆمانێکە
ئەفسوونگەری تەنهایی تۆ وێرانبوونی ژوانێکە

لەگەڵ خەندەش ئاو لە چاوتا شەپۆل ئەدا بێتە دەر
وەکوو ماسی بۆ دوانیگا تا لە گۆما بێتە سەر
سێبەرێکی ماندوو و شەکەت بە شوێن خۆتا ڕائەکێشی
بێگومان تۆش وەکوو من هەر تاڵاوی خەم دەنۆشی
وای دەبینم کە تۆش وەک من دونیای عەشقت سەرابێکە
مەستیی ئەوین تەمەنکورت و وەک مەستبوونی شەرابێکە
تۆش وەکوو من دڵت پڕە لە تەنهایی و خەم و گومان
پەشیمانی لەو ڕۆژانەی کە بۆ کەسێکت هەڵوەراند
تۆش وەکوو من پێکەنینت لە گریانا بەجێ ماوە
وەک نەمامی دەم ڕەشەبا چڵ و چرۆت لێ شکاوە

Toş wekû min pêkenînit le giryana becê mawe
Wek nemamî dem reşeba çil û çirot lê şikawe
Dyare ke toş bêdengibûnit hîkayet û romanêke
Efsûngerî tenhayî to wêranbûnî jwanêke

Legel xendeş aw le çawta şepol eda bête der
Wekû masî bo dwanîga ta le goma bête ser
Sêberêkî mandû û şeket be şwên xota ra’ekêşî
Bêguman toş wekû min her talawî xem denoşî
Way debînim ke toş wek min dunyay ’eşqit serabêke
Mestîy ewîn temenkurt û wek mestibûnî şerabêke
Toş wekû min dilit pire le tenhayî û xem û guman
Peşîmanî lew rojaney ke bo kesêkit helwerand
Toş wekû min pêkenînit le giryana becê mawe
Wek nemamî dem reşeba çil û çirot lê şikawe