شەهید

دەروونی پڕ شۆر و تاسەم هەوارگەی یادی یارانە
هەموو دەم بە یادی ئەوەم هەرێمی دڵ گوڵبارانە
یارانی تامەزرۆی چاکە ئەوینداری جوانی و پاکی
ئەوانەی بێزار بوون لە شەو باڵیان گرت بەرەو ڕووناکی

ئەوانەی لە ڕێی باوەڕیان لە دنیای ڕوون چاویان پۆشی
تاڵ بوو لایان ژیانی دیلی خۆشاوی هەرمانیان نۆشی
کاتێ زستان هاتە زێدمان داگیری کا بە یەکجاری
یاران بە سینەی پڕگوڵیان بەهاریان هێنا بە دیاری
یارانی کۆچکردوو ئێستا دانیشتووی مەڵبەندی نوورن
هێزی هەناو، سۆمای چاون گەرچی بەڕەنگ لێمان دوورن

Derûnî pir şor û tasem hewargey yadî yarane
Hemû dem be yadî ewem herêmî dil gulbarane
Yaranî tamezroy çake ewîndarî cwanî û pakî
Ewaney bêzar bûn le şew balyan girt berew rûnakî

Ewaney le rêy baweryan le dinyay rûn çawyan poşî
Tal bû layan jyanî dîlî xoşawî hermanyan noşî
Katê zistan hate zêdman dagîrî ka be yekcarî
Yaran be sîney pirgulyan beharyan hêna be dyarî
Yaranî koçkirdû êsta danîştûy melbendî nûrin
Hêzî henaw, somay çawin gerçî bereng lêman dûrin