شیرین تەشی دەڕێسێ

لە سەرووی قامەتی یار عەتر و عەبیر دەباری
دڵامی خستە لەرزە لەرەی مەمکی هەناری
مەست مەست بە نیمنیگاوە دوو نێرگسی خوماری
بە خەندە* زوڵفی لادا لەسەر عیزار و زاری
دونیا بە ئینتیزاری شیرین تەشی دەڕێسێ
هاوار شیرین گیان، ئامان شیرین گیان

تەشی وەکوو دڵی من لە دەستی ئەو دەلەرزی
چەند جوان و دڵڕفێنە ئافتاب و تەور و تەرزی
کاتێ کە بۆ سەر ئاوێ زوڵفی لە سەرووی بەرزی
کە شەو بەیانی بەردا گوڵ و وەنەوشە باری
دونیا بە ئینتیزاری شیرین تەشی دەڕێسێ
هاوار شیرین گیان، ئامان شیرین گیان

پەنجەی بە چەشنی شمشاڵ دوو دەستی پڕ لە خڕخاڵ
ڕوومەت سپی، دوو لێو ئاڵ، پەرچەم سیاه بوو چاوکاڵ
وەک ڕەنگی نەخشی مانی باڵا و کوڵم و خەت و خاڵ
سەڵای لە عاشقان دا باخی گوڵ و هەناری
دونیا بە ئینتیزاری شیرین تەشی دەڕێسێ
هاوار شیرین گیان، ئامان شیرین گیان

Le serûy qametî yar ’etir û ’ebîr debarî
Dilamî xiste lerze lerey memkî henarî
Mest mest be nîmnîgawe dû nêrgisî xumarî
Be xende* zulfî lada leser ’îzar û zarî
Dunya be întîzarî şîrîn teşî derêsê
Hawar şîrîn gyan, aman şîrîn gyan

Teşî wekû dilî min le destî ew delerzî
Çend cwan û dilrifêne aftab û tewr û terzî
Katê ke bo ser awê zulfî le serûy berzî
Ke şew beyanî berda gul û wenewşe barî
Dunya be întîzarî şîrîn teşî derêsê
Hawar şîrîn gyan, aman şîrîn gyan

Pencey be çeşnî şimşal dû destî pir le xirxal
Rûmet sipî, dû lêw al, perçem syah bû çawkal
Wek rengî nexşî manî bala û kulim û xet û xal
Selay le ’aşiqan da baxî gul û henarî
Dunya be întîzarî şîrîn teşî derêsê
Hawar şîrîn gyan, aman şîrîn gyan