ڕاوچیان

ڕاوچیان دەگرن ڕاو چ ڕاوە
هەی ڕاو لە دەشتی بیتوێنێ
من ئەو ڕاوەم زۆر پێخۆشە و حەیات
ئەی سەبارەت بە تۆ زێنێ

ڕاوچیان دەگرن سەر ڕاوێ
هەی ڕاو لە دەشتی شاماتێ
هەی ئەوە نەچیرمان هەستان حەیات
وەی شانسم هاتە و سەر ئاتێ

لە کۆ ئەسرین دەبارێنم لەبۆ کوردی پەڕاکەندە
لە گەرمێن غەرقی ئارەق بووم و چاوم هەر لە سامەڕەندە
منی زنجیرپسێن لێرە ئەسیری بسکی جوانێکم
زمانە گەرچی گۆڕاوە* و پەشێوە کەڵ بە موو بەندە
وتی ئێوارە بازاڕە وەرە ماچت دەمێ نەمویست
هەڵۆی کوێستانی کوردستانم و ناژیم بە دەستەندە

ڕاوچیان دەگرن ڕاو چ ڕاوێ
هەی ڕاو لە دەشتی بیتوێنێ
وەی ئەو دەمەی من خۆشحاڵم حەیات
گەر یارم گەردنی هەڵدێنێ

ڕاوچیان هەڵیاساند لە ڕاو
وەی نەچیریان بۆ کەوتە داو
وەی نەچیر دەسبەردار بووە لە ژین
هەی وەک من زەلیل و داماو

ڕاوچیان دەچنە سەر ڕاوێ
وەی ڕاو لە دەشتی شنۆیە
هەی ئەوساڵ حەو دانە ساڵە و حەیات
وەی عاشقم بەو چاوهەڵۆیە

Rawçyan degirin raw çi rawe
Hey raw le deştî bîtwênê
Min ew rawem zor pêxoşe û heyat
Ey sebaret be to zênê

Rawçyan degirin ser rawê
Hey raw le deştî şamatê
Hey ewe neçîrman hestan heyat
Wey şansim hate û ser atê

Le ko esrîn debarênim lebo kurdî perakende
Le germên xerqî areq bûm û çawim her le samerende
Minî zincîrpisên lêre esîrî biskî cwanêkim
Zimane gerçî gorawe* û peşêwe kel be mû bende
Witî êware bazare were maçit demê nemwîst
Heloy kwêstanî kurdistanim û najîm be destende

Rawçyan degirin raw çi rawê
Hey raw le deştî bîtwênê
Wey ew demey min xoşhalim heyat
Ger yarim gerdinî heldênê

Rawçyan helyasand le raw
Wey neçîryan bo kewte daw
Wey neçîr desberdar buwe le jîn
Hey wek min zelîl û damaw

Rawçyan deçne ser rawê
Wey raw le deştî şinoye
Hey ewsal hew dane sale û heyat
Wey ’aşiqim bew çawheloye