مەقامی قەلبی من

گیانم
قەلبی من گەر چەشنی لالە بێت و نەوتی تێ بکەن
ئاگری دوژمن بێتە گیانم وەک چرا من پێ بکەن
شەقشەقی کەن گۆشت و ئێسقان یەک بە یەک خوێی تێ بکەن
بێ ترس من دێمە مەیدان حوکمە ئازادیم دەوێ
گەر نەسووتێم و نەخنکێم چۆن هەژارم سەر کەوێ

ببمە خاک و خۆڵەمێش با تا هەژارم پێ بگا
با بسووتێم بەڵکە گەنج و لاوەکانم تێ بگا
بێتە مەیدان خوێن بڕێژێ تا حەقی خۆی پێ بگا
تا بزانێ غەرقی خوێنە کێ حەقی وی خواردووە
یانە* لەبۆ حەق خوێن بڕێژێ دەرچێ دوژمن تا زووە

سامی قوربانی گەلت بە، قەت مەژی بەو زیللەتە
هەر کەسێ بمرێ لە ڕێگای نیشتمان و میللەتە
نامرێ هەرگیز، دەمێنێ چونکی خاوەن غیرەتە
خۆت بەقوربانی گەلت کە، فەرزە قوربانی لەبۆ
نیشتمانی گڕ و سەربەرز* ئومەتێکی سەربەخۆ

Gyanim
Qelbî min ger çeşnî lale bêt û newtî tê biken
Agirî dujmin bête gyanim wek çira min pê biken
Şeqşeqî ken goşt û êsqan yek be yek xwêy tê biken
Bê tirs min dême meydan hukme azadîm dewê
Ger nesûtêm û nexnikêm çon hejarim ser kewê

Bibme xak û xolemêş ba ta hejarim pê biga
Ba bisûtêm belke genc û lawekanim tê biga
Bête meydan xwên birêjê ta heqî xoy pê biga
Ta bizanê xerqî xwêne kê heqî wî xwarduwe
Yane* lebo heq xwên birêjê derçê dujmin ta zuwe

Samî qurbanî gelit be, qet mejî bew zîllete
Her kesê bimrê le rêgay nîştiman û mîllete
Namrê hergîz, demênê çunkî xawen xîrete
Xot bequrbanî gelit ke, ferze qurbanî lebo
Nîştimanî gir û serberz* umetêkî serbexo