هەڵپەڕکێیە پێشبڕکێیە

هەڵپەڕکێیە، پێشبڕکێیە کێ جوانە چۆپی بگرێ
با خۆی بنوێنێ لە شایی و دەستی کچ و کوڕ بگرێ

ئەو چاوڕەشەی باڵابەرزە دوورەپەرێز وەستاوە
لە دوورەوە نیگا ئەکا و سەری لە من تێکداوە
وەرە سەرچۆپی بگرە دەس با دەس خەمە دەستەوە
من بۆ کەیف و سەفا هاتووم مەمخە داوی عەشقتەوە
هەڵپەڕکێیە، پێشبڕکێیە کێ جوانە چۆپی بگرێ
با خۆی بنوێنێ لە شایی و دەستی کچ و کوڕ بگرێ

ئەی کچی جوان ئەی خوێنشیرین دەرکەوە بە نازەوە
بۆ ساتێکیش بێ هەڵپەڕە وەرە زەماوەندەوە
خەڵاتی جوانی و سەرچۆپی هەر بۆخۆت ئەیبەیتەوە
منیش شاد و سەرفەرازم کە دەست خەمە دەستەوە
هەڵپەڕکێیە، پێشبڕکێیە کێ جوانە چۆپی بگرێ
با خۆی بنوێنێ لە شایی و دەستی کچ و کوڕ بگرێ

Helperkêye, pêşbirkêye kê cwane çopî bigrê
Ba xoy binwênê le şayî û destî kiç û kur bigrê

Ew çawreşey balaberze dûreperêz westawe
Le dûrewe nîga eka û serî le min têkdawe
Were serçopî bigre des ba des xeme destewe
Min bo keyf û sefa hatûm memxe dawî ’eşqitewe
Helperkêye, pêşbirkêye kê cwane çopî bigrê
Ba xoy binwênê le şayî û destî kiç û kur bigrê

Ey kiçî cwan ey xwênşîrîn derkewe be nazewe
Bo satêkîş bê helpere were zemawendewe
Xelatî cwanî û serçopî her boxot eybeytewe
Minîş şad û serferazim ke dest xeme destewe
Helperkêye, pêşbirkêye kê cwane çopî bigrê
Ba xoy binwênê le şayî û destî kiç û kur bigrê