ناسکۆڵە گیان مەگری

وەی گڵم بەسەر کەن بە دەمی پاچێ
داخی نزاکەت لە دڵم دەرناچێ

گڵم بەسەر کەن بە نووکی بێڵێ
نزاکەتیان برد بۆ ئەردەبێڵێ
ناسکۆڵە گیان مەگری
خڕکۆڵە گیان مەگری
دەنێرم بۆت بێ شەدە و گوارە و هەوری
ئای دەنێڕم بۆت بێ دەستە و گوارە و هەوری

لە دووری باڵات بووم پەڕەوازە
هەی لە دووری باڵات بووم پەڕەوازە
موبارەکت بێ زۆر بێ ئەنازە
بەقات پێ ناکەم دڵ بێ مەجازە
ناسکۆڵێ گیان مەگری
چاوکاڵێ گیان مەگری
دە وەرە سەر قەبرم تاوێ بە کوڵ بگری
دە وەرە سەر قەبرم بە دڵ و بە گیان بگری

چۆن دەبێ وا بێ شەرتی دڵداری
تۆ لە کەیفانی خۆت من لە خەمباری
تۆ لە عەیش و نۆش من لە خەمباری
ناسکۆڵە گیان مەگری
خڕکۆڵە گیان مەگری
ئەی وەرە سەر قەبرم بە دڵ و بە گیان بگری
دەی وەرە سەر قەبرم بە دڵ و بە گیان بگری

هەرچیم بەسەر هات تۆ هێناتە ڕێم
بۆخۆی نەیزانی من مایل بە کێم
ناسکۆڵێ گیان مەگری
چاوکاڵێ گیان مەگری
دە وەرە سەر قەبرم تاوێ بە کوڵ بگری
دە وەرە سەر قەبرم بە دڵ و بە گیان بگری

سەرێ هەڵێنە بینم جەبینت
لەسەر کام دینی بێمە سەر دینت
ئای دە مەگری مەگری مەگرە بەهانە
ناردوومە بۆت بێ هەوری لە بانە
ناردوومە بۆت بێ شەدە لە بانە

Wey gilim beser ken be demî paçê
Daxî nizaket le dilim dernaçê

Gilim beser ken be nûkî bêlê
Nizaketyan bird bo erdebêlê
Naskole gyan megrî
Xirkole gyan megrî
Denêrim bot bê şede û gware û hewrî
Ay denêrim bot bê deste û gware û hewrî

Le dûrî balat bûm perewaze
Hey le dûrî balat bûm perewaze
Mubarekit bê zor bê enaze
Beqat pê nakem dil bê mecaze
Naskolê gyan megrî
Çawkalê gyan megrî
De were ser qebirim tawê be kul bigrî
De were ser qebirim be dil û be gyan bigrî

Çon debê wa bê şertî dildarî
To le keyfanî xot min le xembarî
To le ’eyş û noş min le xembarî
Naskole gyan megrî
Xirkole gyan megrî
Ey were ser qebirim be dil û be gyan bigrî
Dey were ser qebirim be dil û be gyan bigrî

Herçîm beser hat to hênate rêm
Boxoy neyzanî min mayl be kêm
Naskolê gyan megrî
Çawkalê gyan megrî
De were ser qebirim tawê be kul bigrî
De were ser qebirim be dil û be gyan bigrî

Serê helêne bînim cebînit
Leser kam dînî bême ser dînit
Ay de megrî megrî megre behane
Nardûme bot bê hewrî le bane
Nardûme bot bê şede le bane