تاقەدارەکەی ئاویەر

تاقەدارەکەی ئاویەری سنە
دەمێکە باڵات لە چاوم ونە
تۆ کە لەو بەرزەو سەیری شار ئەکەی
سەیری شارەکەی بریندار ئەکەی

پێم بڵێ چەندە تاسەی یار ئەکەی
چەندە بێزاری لە ئەغیار ئەکەی
لاوی سنەیی لە کەنیشک و کوڕ
دێنە دیدەنت بە دڵێکی پڕ

لێیان بپرسە بۆچە خەمبارن
هۆی چییە ئاوا دڵ بریندارن
بە شنە و سەمات بیاندوێنە
خەم و خەفەتیان لە دڵ دەربێنە

با بێنە جۆش و سەرچۆپی بگرن
دڵی شەوەزەنگ بە قڕیوە بدڕن
تامەزرۆم بکەم سەیری باڵاتان
ئەستێرەگەشەم هەڵدێم لە لاتان

Taqedarekey awyerî sine
Demêke balat le çawim wine
To ke lew berzew seyrî şar ekey
Seyrî şarekey birîndar ekey

Pêm bilê çende tasey yar ekey
Çende bêzarî le exyar ekey
Lawî sineyî le kenîşk û kur
Dêne dîdenit be dilêkî pir

Lêyan bipirse boçe xembarin
Hoy çîye awa dil birîndarin
Be şine û semat byandiwêne
Xem û xefetyan le dil derbêne

Ba bêne coş û serçopî bigirin
Dilî şewezeng be qirîwe bidirn
Tamezrom bikem seyrî balatan
Estêregeşem heldêm le latan