ئاسمان ئەڵێ

ئاسمان ئەڵێ
ئەستێرەیەکم کوێر ئەکەن
لە قوبەما دەی تر هەڵدێن
زەمین ئەڵێ
درەختێکم ئەبڕنەوە
لە بێشەمدا دەی تر ئەڕوێن
تۆش سەرچاوە!
کانییەکت لێ وشک ئەکەن
لە بنارتا دەیانی تر هەڵئەقوڵێن

هەتا برین قووڵ بێتەوە
مەرگی چەقۆ نزیکترە
تا بەخشینی گیان کەمتر بێ
ڕێگای خۆرەتاو دوورترە
ئەوەی هەتاوی ناسیوە
وڵاتی تاریکی دیوە

Asman elê
Estêreyekim kwêr eken
Le qubema dey tir heldên
Zemîn elê
Dirextêkim ebrinewe
Le bêşemda dey tir erwên
Toş serçawe!
Kanîyekit lê wişk eken
Le binarta deyanî tir hel’equlên

Heta birîn qûl bêtewe
Mergî çeqo nizîktire
Ta bexşînî gyan kemtir bê
Rêgay xoretaw dûrtire
Ewey hetawî nasîwe
Wilatî tarîkî dîwe