وەرە ئەی بولبولەکەی خۆشخوانم

وەرە ئەی بولبولەکەی خۆشخوانم
هۆگری خونچەگوڵی باخانم
باخەوان دەنگی نییە نیوەشەوە
دەرفەتە تاکوو بەیانی مەخەوە

بەر لەوەی خونچە کە وا پێ بکەنێ
باخەوان هەستێ لە خەو گوڵ بچنێ!
چڵ بە چڵ شوێن گوڵی هیوا بکەوە
بۆی خەریک بە پەلە کە دوا مەکەوە
هیچ گومانم نییە هەر دەست دەکەوێ
کۆڵنەدانی گەرەکە و ڕەنجی دەوێ

وەرە ئەی بولبولەکەی خۆشخوانم
هۆگری خونچەگوڵی باخانم
باخەوان دەنگی نییە نیوەشەوە
دەرفەتە تاکوو بەیانی مەخەوە

هۆنراوە: عەونی

Were ey bulbulekey xoşxiwanim
Hogrî xunçegulî baxanim
Baxewan dengî nîye nîweşewe
Derfete takû beyanî mexewe

Ber lewey xunçe ke wa pê bikenê
Baxewan hestê le xew gul biçnê!
Çil be çil şwên gulî hîwa bikewe
Boy xerîk be pele ke dwa mekewe
Hîç gumanim nîye her dest dekewê
Kolnedanî gereke û rencî dewê

Were ey bulbulekey xoşxiwanim
Hogrî xunçegulî baxanim
Baxewan dengî nîye nîweşewe
Derfete takû beyanî mexewe

Honrawe: ’ewnî