ئۆخەی گەورەکچ

ئەی وەی گەورەکچ ئەی کنگر بە کۆڵ
ئەرێ گەورەکچ ئەی کنگر بە کۆڵ
ئاسکە باریکەی شاخ و دەشت و دۆڵ

هاتووم پشوو بەم تاوێ لای کانی
وا لێم پەیدا بووی فریشتەی جوانی
ئەی وەی گەورەکچ پێ بە پاموورە
ماندووی ڕێگامە و ڕێگەشم دوورە

تۆ چۆن پەیدا بووی فریشتەی جوانی
تاک و بێ هاوتای کام شوێن و کاتی
ئەی وەی گەورەکچ ئەی کنگر بەکۆڵ
ئاسکە باریکەی شاخ و دەشت و دۆڵ

خەم بوو بە نانم خەم بوو بە بەرگم
خەم بوو بە نەشتەر سەر کردە جەرگم
ئەی وەی گەورەکچ پێ بە پاموورە
ئەرێ گەورەکچ پێ بە پاموورە
ماندووی ڕێگامە و ڕێگەشم دوورە

Ey wey gewrekiç ey kingir be kol
Erê gewrekiç ey kingir be kol
Aske barîkey şax û deşt û dol

Hatûm pişû bem tawê lay kanî
Wa lêm peyda bûy firîştey cwanî
Ey wey gewrekiç pê be pamûre
Mandûy rêgame û rêgeşim dûre

To çon peyda bûy firîştey cwanî
Tak û bê hawtay kam şwên û katî
Ey wey gewrekiç ey kingir bekol
Aske barîkey şax û deşt û dol

Xem bû be nanim xem bû be bergim
Xem bû be neşter ser kirde cergim
Ey wey gewrekiç pê be pamûre
Erê gewrekiç pê be pamûre
Mandûy rêgame û rêgeşim dûre