مەجنوونی

مەگەر ت لەیلەگەی هەرشەو نییدن؟!
ئەگەر لەیلی نیید خوو بۊش کییدن؟!
وە لەیلی لا للا لا لا للا لوو
هزاران خەم لە م هاوردیەو سوو
یەکی هەر شەو لە وێنەی خوەد خەنێدن
لە رۊ گەرمی لەشم مۊکەش ژەنێدن
منیش وادەی سەهەر وانگی هڵاڵم
م تەمیار خەریو مانگ و ساڵم
ت ئەر لەیلی نیید بەو دی وڵم کە
ت بەو کەمتر پەژارە لە دڵم کە
لە ئەو ڕووژە ک لەیلی چەو بەسا چی
خەوانیخەو لە م بارێ بەسا چی
ئەگەر دۊنید وە چەو ئەسرم لە دیدە
ت گیان خوەد لە لای کەس نەۊش چە دیدە
من و لەیلی خەیاڵێگ تا وەرسوو
کەڵەیل مردێیە بەیمە شەواژوو

Meger t leylegey herşew nîydin?!
Eger leylî nîyd xû büş kîydin?!
We leylî la lila la la lila lû
Hizaran xem le m hawridyew sû
Yekî her şew le wêney xwed xenêdin
Le rü germî leşim mükeş jenêdin
Minîş wadey seher wangî hilalim
M temyar xerîw mang û salim
T er leylî nîyd bew dî wilim ke
T bew kemtir pejare le dilim ke
Le ew rûje k leylî çew besa çî
Xewanîxew le m barê besa çî
Eger dünyd we çew esirim le dîde
T gyan xwed le lay kes نەۊش çe dîde
Min û leylî xeyalêg ta wersû
Keleyl mirdêye beyme şewajû