سوجدەی پیری

گەرچی پیرم وا کەوتووم لە گۆشەوەم
بە دڵ بە دوای کچێکی تەڕپۆشەوەم
لە ڕێی عەشق و ئەوین ژینم بە با چوو
سەیرە ئێستاش هەر وا بە پەرۆشەوەم

پیر نابێ دڵ چەند هەڵکێشاوە تەمەن
هەر لە هەڵپە و ئارەزووی ئەو کۆشەوەم
هەناسەم دەیشەکاند شۆڕەبی قژت
هەر بە مەیل دیتنی ئەو سەرپۆشەوەم

خەرمانی ژین بوو بە خۆڵەمێش سووتا
هەر بە یادت وا لەو خەوە خۆشەوەم
ئاخ پیری چ کۆستێکی چەند کوشندەی
بەو پیرییەش هەر بە هیوای تۆشەوەم

با باڵام وەک برۆی کەوانی تۆ بێ
وەک لاو لە ڕاوی چاو و ئەبرۆشەوەم
هێمای سوجدەیە پیری و خۆچەماندن
خۆ بە لاویش بۆت هەر لە کڕنۆشەوەم

Gerçî pîrim wa kewtûm le goşewem
Be dil be dway kiçêkî terpoşewem
Le rêy ’eşq û ewîn jînim be ba çû
Seyre êstaş her wa be peroşewem

Pîr nabê dil çend helkêşawe temen
Her le helpe û arezûy ew koşewem
Henasem deyşekand şorebî qijit
Her be meyl dîtnî ew serpoşewem

Xermanî jîn bû be xolemêş sûta
Her be yadit wa lew xewe xoşewem
Ax pîrî çi kostêkî çend kuşnidey
Bew pîrîyeş her be hîway toşewem

Ba balam wek biroy kewanî to bê
Wek law le rawî çaw û ebroşewem
Hêmay sucdeye pîrî û xoçemandin
Xo be lawîş bot her le kirnoşewem