نەشمیل نەشمیل

تا شەم* نەسووتێ دەم بەدەم
فانی نەبێ سەر تا قەدەم
پەروانە قەت ناگاتە شەم
نەشمیل نەشمیل نەشمیلانە
کوشتمی ئەو دوو چاوە جوانە

تا چاو و دڵ خوێن بار نەکەی
قەتعی هەموو ئەغیار نەکەی
فکری ویساڵی یار نەکەی
نەشمیل نەشمیل نەشمیلانە
کوشتمی ئەو دوو چاوە جوانە

عاشق ئەبێ مەستانە بێ
خاکی بەری* مەیخانە بێ
ساقی لە لای جانانە بێ*
نەشمیل نەشمیل نەشمیلانە
کوشتمی ئەو دوو چاوە جوانە

لەم لاوە گریەی نای و نەی
لەولاوە خەندەی جامی مەی
ئاور لە عالەم بەربدەی
نەشمیل نەشمیل نەشمیلانە
کوشتمی ئەو دوو چاوە جوانە
عاشق ئەبێ مەستانە بێ
خاکی بەری* مەیخانە بێ
ساقی لە لای جانانە بێ*
ئاخ نەشمیل نەشمیل نەشمیلانە
کوشتمی ئەو دوو چاوە جوانە

هۆنراوە: وەفایی

*= لە هۆنراوەی شاعیردا "دڵ" و "دەری" و "ساقی لە کن پەیمانە بێ" هاتووە.

سەرچاوە: ڤەژینبووکس

Ta şem* nesûtê dem bedem
Fanî nebê ser ta qedem
Perwane qet nagate şem
Neşmîl neşmîl neşmîlane
Kuştimî ew dû çawe cwane

Ta çaw û dil xwên bar nekey
Qet’î hemû exyar nekey
Fikirî wîsalî yar nekey
Neşmîl neşmîl neşmîlane
Kuştimî ew dû çawe cwane

’aşiq ebê mestane bê
Xakî berî* meyxane bê
Saqî le lay canane bê*
Neşmîl neşmîl neşmîlane
Kuştimî ew dû çawe cwane

Lem lawe giryey nay û ney
Lewlawe xendey camî mey
Awir le ’alem berbidey
Neşmîl neşmîl neşmîlane
Kuştimî ew dû çawe cwane
’aşiq ebê mestane bê
Xakî berî* meyxane bê
Saqî le lay canane bê*
Ax neşmîl neşmîl neşmîlane
Kuştimî ew dû çawe cwane

Honrawe: wefayî

*= le honrawey şa’îrda "dil" û "derî" û "saqî le kin peymane bê" hatuwe.

Serçawe: vejînbûkis