کەرکووک

کەرکووک بۆ ئێمە ژینە ژیانە
قەڵای شەرەفی کوردی ئینسانە
بژی بە خۆشی و سەربەستی و شادی
نەفەسی تۆ بێ هەوای ئازادی

گڕی هەر گەش بێ بابەگوڕگوڕت
قەڵغانی تۆ بێ کچان و کوڕت
هەر خوا پێیداوی ئەم خاک و ئاوە
بوونت بە قەومی کوردی خوڵقاوە
ڕەقیب ناتوانێ زەفەر بهێنێ
گەنجینە زێڕت لە دەست دەربێنێ

کانیاوی دڵمە عەشق و ئازادی
دەیکا بە هەنگوین ئەم ژینە تاڵە
سۆزی دەروونم ناڵەی شمشاڵە
غەیری نیشتیمان چیم لە خەیاڵە!؟
هەر خوا پێیداوین ئەم خاک و ئاوە
بوونمان بە قەومی کوردی خوڵقاوە
نموونەی بەرزی کۆڵنەدانی کورد
گڕی نەورۆزە کە داگیرساوە
بابەگوڕگوڕە کە داگیرساوە
کەرکووک بۆ ئێمە ژینە ژیانە
قەڵای شەرەفی کوردی ئینسانە
بژی بە خۆشی و سەربەستی و شادی
نەفەسی تۆ بێ هەوای ئازادی

Kerkûk bo ême jîne jyane
Qelay şerefî kurdî însane
Bijî be xoşî û serbestî û şadî
Nefesî to bê heway azadî

Girî her geş bê babegurgurit
Qelxanî to bê kiçan û kurit
Her xwa pêydawî em xak û awe
Bûnit be qewmî kurdî xulqawe
Reqîb natwanê zefer bihênê
Gencîne zêrit le dest derbênê

Kanyawî dilme ’eşq û azadî
Deyka be hengiwîn em jîne tale
Sozî derûnim naley şimşale
Xeyrî nîştîman çîm le xeyale!?
Her xwa pêydawîn em xak û awe
Bûnman be qewmî kurdî xulqawe
Nimûney berzî kolnedanî kurd
Girî newroze ke dagîrsawe
Babegurgure ke dagîrsawe
Kerkûk bo ême jîne jyane
Qelay şerefî kurdî însane
Bijî be xoşî û serbestî û şadî
Nefesî to bê heway azadî