بانگی کوردستان

کوردستانم چوار ئەستێرەی یەک ئاسمانە
کوردستانم مشتێ خوێن و چەپکێ ژانە
کوردستانم چوار کەلەپچە و یەک مەچەکە
کوردستانم یەک نیشانە و چوار فیشەکە

کوردستانم سک سووتاوی ناجەورییە
کوشتەی دەستی ناتەبایی و خۆخۆرییە
کوردستانم خەمێکی گەورە و پیرۆزە
ڕەشبەڵەکی ئازادی و مژدەی نەورۆزە
کوردستان...

کوردستانم چوار ڕەشماڵی بنارێکی
چوار خەرمان و ڕەنجی شانی جووتیارێکە
کوردستانم پشتێنێکە و چوار چڵ نێرگز
گەوهەرێکی پڕ بەهایە و چوار دەستی دز

کوردستانم قوتابخانەی پارتیزانە
بانگی ماف و گۆڕەپانی تێکۆشانە
کانگای هەزاران گیڤارا و ماندێلایە
کوردستانم دواکۆڵۆنیی ئەم دونیایە
کوردستان

Kurdistanim çwar estêrey yek asmane
Kurdistanim miştê xwên û çepkê jane
Kurdistanim çwar kelepçe û yek meçeke
Kurdistanim yek nîşane û çwar fîşeke

Kurdistanim sik sûtawî nacewrîye
Kuştey destî natebayî û xoxorîye
Kurdistanim xemêkî gewre û pîroze
Reşbelekî azadî û mijdey newroze
Kurdistan...

Kurdistanim çwar reşmalî binarêkî
Çwar xerman û rencî şanî cûtyarêke
Kurdistanim piştênêke û çwar çil nêrgiz
Gewherêkî pir behaye û çwar destî diz

Kurdistanim qutabxaney partîzane
Bangî maf û gorepanî têkoşane
Kangay hezaran gîvara û mandêlaye
Kurdistanim dwakolonîy em dunyaye
Kurdistan