یادی بەخێر

ئەو گوڵەی مەشهووری گشت عالەم بوو کوا یادی بەخێر
مەیلی وی دەرمانی دەردی من بوو کوا یادی بەخێر
چۆن دەبێ فکرت نەبێ تیریت لە جەرگم کارییە
ئەو دەمەی بوومە نیشانەی تۆ یادی بەخێر
بای شەماڵ بیدا بە دەست ئەو دولبەرە هاوارم
مەڵهەمێکم بۆ بنێرێ بۆ دڵەکەی زامدارم
من کە سەیدی تیری سەییادم نەما سەییادی من
ئەو دەمەی تیرت لە جەرگی من دەدا یادی بەخێر
ئەو کە دەیفەرموو وەفادارم بە شەرتی عاشقی
چۆن لە یادم چێ کەلام و خەندەکەی یادی بەخێر
بای شەماڵ بیدا بە دەست ئەو دولبەرە هاوارم
مەڵهەمێکم بۆ بنێرێ بۆ دڵەکەی زامدارم
من دەناڵێنم کە بۆ لەیلا لە گوڵزارا نییە
چاوی مەست و خاڵی لێوی ئەو گوڵەم یادی بەخێر
چاوەکەم تا کەی وەکوو مەجنوونی شەیدا ناڵە کەم
هەر لەسەر شەرتی قەدیمیم بێوەفا یادی بەخێر
بای شەماڵ بیدا بە دەست ئەو دولبەرە هاوارم
مەڵهەمێکم بۆ بنێرێ بۆ دڵەکەی زامدارم

Ew guley meşhûrî gişt ’alem bû kwa yadî bexêr
Meylî wî dermanî derdî min bû kwa yadî bexêr
Çon debê fikirit nebê tîrît le cergim karîye
Ew demey bûme nîşaney to yadî bexêr
Bay şemal bîda be dest ew dulbere hawarim
Melhemêkim bo binêrê bo dilekey zamdarim
Min ke seydî tîrî seyyadim nema seyyadî min
Ew demey tîrit le cergî min deda yadî bexêr
Ew ke deyfermû wefadarim be şertî ’aşiqî
Çon le yadim çê kelam û xendekey yadî bexêr
Bay şemal bîda be dest ew dulbere hawarim
Melhemêkim bo binêrê bo dilekey zamdarim
Min denalênim ke bo leyla le gulzara nîye
Çawî mest û xalî lêwî ew gulem yadî bexêr
Çawekem ta key wekû mecnûnî şeyda nale kem
Her leser şertî qedîmîm bêwefa yadî bexêr
Bay şemal bîda be dest ew dulbere hawarim
Melhemêkim bo binêrê bo dilekey zamdarim