بارکەن بڕۆن

بارکەن بڕۆن
بارکەن برۆن
لە ئاسمانەوە نەهاتووم
من میوان نیم
من میوانی سێبەرقورسی کوردستان نیم
بەر لە مێژوو کانییەک بووم لێرە دەر بووم
بەر لە مێژوو ئاگرێک بووم لێرە هەڵبووم

بارکەن بڕۆن
بارکەن بڕۆن
کانیاوەکان جگە لە من کەسێکی تر تێراو ناکەن
بارکەن بڕۆن
دارگوێزەکان جگە لە من سێبەری خۆیان هەڵناخەن
بارکەن بڕۆن
بارکەن بڕۆن

بارکەن بڕۆن
زەوی ئێمە دانی ئێوەی لێ شین نابێ
بارکەن بڕۆن
مێرگەکانمان لە ژێر سمی گاڕانەکانتان وەک ئاگرن
تا دارتووشمان یاخی دەبن
جۆلانەیەک بۆ مناڵتان ڕاناگرن
بارکەن بڕۆن
میوەی درەختەکانمان تاڵە
ئاومان سوێرە
هەنگوینمان بە دەمتان تاڵە
بارکەن بڕۆن...

Barken biron
Barken biron
Le asmanewe nehatûm
Min mîwan nîm
Min mîwanî sêberqursî kurdistan nîm
Ber le mêjû kanîyek bûm lêre der bûm
Ber le mêjû agirêk bûm lêre helbûm

Barken biron
Barken biron
Kanyawekan cige le min kesêkî tir têraw naken
Barken biron
Dargiwêzekan cige le min sêberî xoyan helnaxen
Barken biron
Barken biron

Barken biron
Zewî ême danî êwey lê şîn nabê
Barken biron
Mêrgekanman le jêr simî garanekantan wek agirin
Ta dartûşman yaxî debin
Colaneyek bo minaltan ranagirin
Barken biron
Mîwey dirextekanman tale
Awman swêre
Hengiwînman be demtan tale
Barken biron...