لیوەی جەماڵد بیمە

لیوەی جەماڵد بیمە بوەخشەمە جوانیەگەد
دڵم بیە خوەڵەکووی وەر تەنۊر و کوانیەگەد

خوەزەو گونێکیگ بیاتام لەناو سفرە و خوانەگەد
بیاتایدەم وە دەسدەو وە پەنج پەنجە جوانەگەد
لیوەی جەماڵد بیمە بوەخشەمە جوانیەگەد
دڵم بیە خوەڵەکووی وەر تەنۊر و کوانیەگەد

لەپی لەو نانە بیە پیم ها خوانچەی بان شانەگەد
بوومە قوربانێ باڵاد هەم زوڵفە قەترانەگەد
لیوەی جەماڵد بیمە بوەخشەمە جوانیەگەد
دڵم بیە خوەڵەکووی وەر تەنۊر و کوانیەگەد

نانەگەی دەسد شفاس لەبەندە دیوانەگەد
دۊیەتە دڵم نەشکنی دەسم وە دامانەگەد
لیوەی جەماڵد بیمە بوەخشەمە جوانیەگەد
دڵم بیە خوەڵەکووی وەر تەنۊر و کوانیەگەد

Lîwey cemalid bîme bwexşeme ciwanyeged
Dilim bîye xwelekûy wer tenûr û kwanyeged

Xwezew gunêkîg biyatam lenaw sifre û xwaneged
Biyataydem we desdew we penc pence ciwaneged
Lîwey cemalid bîme bwexşeme ciwanyeged
Dilim bîye xwelekûy wer tenûr û kwanyeged

Lepî lew nane biye pîm ha xwançey ban şaneged
Bûme qurbanê balad hem zulfe qetraneged
Lîwey cemalid bîme bwexşeme ciwanyeged
Dilim bîye xwelekûy wer tenûr û kwanyeged

Nanegey desid şifas lebende dîwaneged
Dwîyete dilim neşkinî desim we damaneged
Lîwey cemalid bîme bwexşeme ciwanyeged
Dilim bîye xwelekûy wer tenûr û kwanyeged