کە تۆ هاتی

کەتۆ هاتی تەمی سینەم ڕەوایەوە
بەفری خەم و ئازارەکان توایەوە

خۆش هاتی ئەی تیشکی خۆری هیوای ژینم
ئەی فریشتەی بەهەشتی دنیای ئەوینم

من بەرلەوەی چرای دیدەم داگیرسێنم
خۆری نیگاو مانگی ڕووخسارت ببینم

دڵم چەشنی بەستەڵۆکی سارد و سڕ بوو
وەک وێرانە پاشماوەی ئاشووبە و شەڕ بوو

ئێستاش کە بۆتە هەواری ئەوینی تۆ
بۆتە هەگبەی خەندە و وشەی شیرینی تۆ

هەوارێکە پڕ لە ژیان ڕازاوەیە
وەک نێرگزی وەرزی بەهار گەشاوەیە

کەتۆ هاتی تەمی سینەم ڕەوایەوە
بەفری خەم و ئازارەکان توایەوە
خۆش هاتی ئەی تیشکی خۆری هیوای ژینم
ئەی فریشتەی بەهەشتی دنیای ئەوینم

Ke to hatî temî sînem rewayewe
Befrî xem û azarekan twayewe
xoş hatî ey tîşkî xorî hîway jînim
ey firîştey beheştî dinyay ewînim

min ber lewey çiray dîdem dagîrsênim
Xorî nîga û mangî rûxisarit bibînim
dilim çeşnî bestelokî sard û sir bû
Wek wêrane paşmawey aşûb û şer bû

êstaş ke bote hewarî ewînî to
Bote hegbey xende û wişey şîrînî to
hewarêke pire le jiyan razaweye
Wek nêrgizî werzî behar geşaweye

Ke to hatî temî sînem rewayewe
Befrî xem û azarekan twayewe

xoş hatî ey tîşkî xorî hîway jînim
ey firîştey beheştî dinyay ewînim