دڵگیری

یەی شەو دڵگیر بیم لە دنیای دو ڕەنگ
وە گەرد تاڵەی وێم مەکەردم جەنگ
واتم ئەی تاڵەی شووم کەج بونیاد
بەرباد بای عومرم تو دای وە بەرباد

نیەزانم ئەی تاڵەی تیرەی واژگوون
تا کەی سەرگەشتەم کەی وە دنیای دوون؟
تا کەی تەقەلا تا کەی بەردەڵبەرد؟
تا کەی بکیشم وە دڵ ئاه سەرد؟

دڵ تا کەی بیزار لە زندەگی بوو؟
ڕووح تا کەی خەستەی دەوەندەگی بوو؟
تا کەی وە ئەفسووس بسام دەس وە دەس؟
تا کەی بشنەوم ناخاس وە ناکەس؟

ڕەنجم بی سەمەر سەودام بی سوودە
کەردەم نەکەردە و بوودم نابوودە
لەسەر دو ڕاهەی زندەگی گیرم
بەر بادە و بی سوود نەقشە و تەدبیرم

Yey şew dilgîr bîm le dinyay du reng
We gerd taley wêm mekerdim ceng
Watim ey taley şûm kec bunyad
Berbad bay ’umirim tu day we berbad

Nyezanim ey taley tîrey wajgûn
Ta key sergeştem key we dinyay dûn?
Ta key teqela ta key berdelberd?
Ta key bikîşim we dil ah serd?

Dil ta key bîzar le zindegî bû?
Rûh ta key xestey dewendegî bû?
Ta key we efsûs bisam des we des?
Ta key bişnewm naxas we nakes?

Rencim bî semer sewdam bî sûde
Kerdem nekerde û bûdim nabûde
Leser du rahey zindegî gîrim
Ber bade û bî sûd neqşe û tedbîrim