جودایی

بێ تۆ دنیا سەختە کێوە
جێگای لێژی و سەر بە هەشمە
بەرەو ناخە هەر نشێوە
شەوەزەنگی، چارەی ڕەشمە
بێ تۆ مەیلم زۆر پەشێوە
وڕێنەمە، پێنج و شەشمە
بێ تۆ عومرم هەر بەپێوە
لێبوونەوەی گیان و لەشمە
بەشمە، بەشمە وەڵڵا بەشمە
جودایی تۆ بۆچی بەشمە

لەگەڵ تۆدا خەیاڵ دەفڕێ
دەریا بادەی ئاڵ و گەشمە
تریفەی مانگ دەستم دەگرێ
شا ئەستێرە لە باوەشمە
باران دیلانم بۆ دەچڕێ
با وەشنەوای خۆش و وەشمە
لەگەڵ تۆدا خەفەت پەشمە
ژیان جوانی هەزار چەشمە
بەشمە بەشمە وەڵڵا بەشمە
جودایی تۆ بۆچی بەشمە

Bê to dinya sexte kêwe
Cêgay lêjî û ser be heşme
Berew naxe her nişêwe
Şewezengî, çarey reşme
Bê to meylim zor peşêwe
Wirêneme, pênc û şeşme
Bê to ’umirim her bepêwe
Lêbûnewey gyan û leşme
Beşme, beşme wella beşme
Cudayî to boçî beşme

Legel toda xeyal defrê
Derya badey al û geşme
Tirîfey mang destim degrê
Şa estêre le baweşme
Baran dîlanim bo deçrê
Ba weşneway xoş û weşme
Legel toda xefet peşme
Jyan cwanî hezar çeşme
Beşme beşme wella beşme
Cudayî to boçî beşme