گوڵی سەربەستی

گوڵی سەربەستی ئەی هێزی گیانم
ڕۆشن کەرەوەی ڕیگەی ژیانم
تۆم نەبێ من خۆم بە هیچ نازانم
تۆم نەبێ هەرگیز ناحەسێمەوە
بێ بۆنی خۆشت نابوژێمەوە

گەلێک شیرینتر لە خونچەی بەهار
ناسک، جوانتر لە شەوبۆی بەهار
گەشتر لە دیدەی وەنەوشەی نزار
گوڵێکە ناوی گوڵی سەربەستی
مەردە ئەو گەلەی بگاتە دەستی

بەڵام نرخی تۆ یەگجار گرانە
کڕیارت کوشتە و جێگەی زیندانە
خوێنی خۆم بۆ تۆ زۆر لا هەرزانە
سەرم بەخت ئەکەم تۆی پێ ئەسێنم
کە تۆم دەست کەوێ سەربەست دەنوێنم

هۆنراوە: زێوەر

Gulî serbestî ey hêzî gyanim
Roşin kerewey rîgey jyanim
Tom nebê min xom be hîç nazanim
Tom nebê hergîz nahesêmewe
Bê bonî xoşt nabujêmewe

Gelêk şîrîntir le xunçey behar
Nask, cwantir le şewboy behar
Geştir le dîdey wenewşey nizar
Gulêke nawî gulî serbestî
Merde ew geley bigate destî

Belam nirxî to yegcar girane
Kiryarit kuşte û cêgey zîndane
Xwênî xom bo to zor la herzane
Serim bext ekem toy pê esênim
Ke tom dest kewê serbest denwênim

Honrawe: zêwer