بۆسەی ڕۆژگار

نیمە ئاواڵێ لە گۆشەی بێکەسیدا خەم نەبێ
چاکە ئەو لێرەش وەفای هەر ماوە سایەی کەم نەبێ
لاپەڕەی ژینم هەموو هەڵدەیتەوە، تێیدا نییە
باسی فرمێسک و هەناسە و شیوەن و ماتەم نەبێ

ڕۆژگاری سپڵە بۆ من بۆسەیەکی نایەوە
نەمدی هەر تیرێکی دەیهاوێ بەرەو سینەم نەبێ
ڕەنجی دووریی دڵبەرم بۆ کوشتنی من کافییە
گەر لە دنیادا ئەمن هیچ مەینەتی دیکەم نەبێ

ڕەمزی دڵداری لە زینێ فێر نەبوو یارم دەنا
کوا ئەوینداری وەفاداری وەکوو من، مەم نەبێ؟
خۆم دەسووتێنم هەتا بەزمی خەڵک ڕۆشن بکەم
کێ لە ڕێی خەڵکا وەکوو شاعیر دەسووتێ شەم نەبێ؟

هۆنراوە: هێمن موکریانی

Nîme awalê le goşey bêkesîda xem nebê
Çake ew lêreş wefay her mawe sayey kem nebê
Laperey jînim hemû heldeytewe, têyda nîye
Basî firmêsk û henase û şîwen û matem nebê

Rojgarî siple bo min boseyekî nayewe
Nemdî her tîrêkî deyhawê berew sînem nebê
Rencî dûrîy dilberim bo kuştinî min kafîye
Ger le dinyada emin hîç meynetî dîkem nebê

Remzî dildarî le zînê fêr nebû yarim dena
Kwa ewîndarî wefadarî wekû min, mem nebê?
Xom desûtênim heta bezmî xelk roşin bikem
Kê le rêy xelka wekû şa’îr desûtê şem nebê?

Honrawe: hêmin mukiryanî