ئازیزەکەم

شەرت بێ گوڵی کەس ئازیزەکەم نەکەم بە بۆوە
تا گوڵم بۆ دێت ئەی هاوار لە خزمەت تۆوە

ڕەنگزەردی خەزان ئازیزەکەم خەتای پایزە
ڕەنگزەردییەکەی من ئەی هاوار دووری ئازیزە

لەو دەمەی ڕا دڵم لێیداوە بۆ ژوان
لەو دەمەی ڕا ئەو دڵەم لێیداوە بۆ ژوان
من دێوانەی چاوی جوانم چاوی جوان
گەرچی خەڵکی وڵاتی چاوجوانانم
چاوی جوانم نەدی تێر بە چاوانم
ئای ئای لە خۆم غەریبم نازدارێ گیان
دەردی دووری، دەردی دووری کوشتمی
دەردی وشیاری و سەبووری کوشتمی
یادی یارانی وڵاتم ڕۆژ و شەو
لێی حەرام کردووم قەرار و خورد و خەو
خەمڕەوێنێ لێرە من ناکەم بەدی
چۆن پەنا بۆ مەی نەبەم ساقی ئەدی

ئەگەر بەبێ تۆ ئازیزەکەم بچم بە گوڵدا
گوڵ بێ بە نەشتەر ئەی هاوار بچێ بە دڵدا

Şerit bê gulî kes azîzekem nekem be bowe
Ta gulim bo dêt ey hawar le xizmet towe

Rengizerdî xezan azîzekem xetay payze
Rengizerdîyekey min ey hawar dûrî azîze

Lew demey ra dilim lêydawe bo jwan
Lew demey ra ew dilem lêydawe bo jwan
Min dêwaney çawî cwanim çawî cwan
Gerçî xelkî wilatî çawciwananim
Çawî cwanim nedî têr be çawanim
Ay ay le xom xerîbim nazdarê gyan
Derdî dûrî, derdî dûrî kuştimî
Derdî wişyarî û sebûrî kuştimî
Yadî yaranî wilatim roj û şew
Lêy heram kirdûm qerar û xurd û xew
Xemrewênê lêre min nakem bedî
Çon pena bo mey nebem saqî edî

Eger bebê to azîzekem biçim be gulda
Gul bê be neşter ey hawar biçê be dilda