نەورۆز ناکەم

ئەمساڵ بێ چیا نەورۆز ناکەم
بێ بۆنی گیا نەورۆز ناکەم
نەورۆز ناکەم
بێ بڵێسەی سووری ئاگر
نەورۆز ناکەم
ئەگەر ڕەشبەڵەک تۆز نەکات و
بۆخۆم نەبم بە سەرچۆپیگر

کزەی جەرگم بەیانی زوو هەڵمسێنە
زۆر دەترسم
کەوێک، کارێک
گوندێک، شارێک
چەمێک، چیایێک
لە بیر بکەم
زۆر دەترسم
دارێک، بەردێک
کۆختێک، گەردێک
بنچە گیایەک
لە بیر کەم

بەیانی زوو هەڵمسێنە
دیسان مەڵێ با تێرخەو بێ
سوێندم بە چیا خواردووە
کە کوردستانە دوورەکەم
بە گەرمێن و کوێستانەوه
بگوازمەوە بۆ غەریبی
بۆ ژوورەکەم...

Emsal bê çya newroz nakem
Bê bonî gya newroz nakem
Newroz nakem
Bê bilêsey sûrî agir
Newroz nakem
Eger reşbelek toz nekat û
Boxom nebim be serçopîgir

Kizey cergim beyanî zû helmisêne
Zor detirsim
Kewêk, karêk
Gundêk, şarêk
Çemêk, çyayêk
Le bîr bikem
Zor detirsim
Darêk, berdêk
Koxtêk, gerdêk
Binçe gyayek
Le bîr kem

Beyanî zû helmisêne
Dîsan melê ba têrxew bê
Swêndim be çya xwarduwe
Ke kurdistane dûrekem
Be germên û kwêstanewh
Bigwazmewe bo xerîbî
Bo jûrekem...