حەزم لێیە

حەزم لێیە حەزم لێیە ببیە یارم
ئەی جوانترین کچی شارم
ناوت خۆشە لەسەر زام ببیە یاری وەفادارم
حەزم لێیە حەزم لێیە ببیە یارم

بەژن هێرۆی لە ناو ڕەزی دڵی منت بە ناز دزی
زولفت لەسەر من دەخزی بە چاوانت گیانم تەزی
حەزم لێیە حەزم لێیە ببیە یارم

بەهاری جوانی ئازیزم تاقەگوڵی دەم پاییزم
بۆ ژیر نابی لە ئامێزم وا مەزانە لە تۆ زیزم
حەزم لێیە حەزم لێیە ببیە یارم

بووکی خەونی ڕاستی منی تافتە و پەردەی دڵی منی
وەرە زانم تۆش وەک منی هێز و تەمەنی ژینمی
حەزم لێیە حەزم لێیە ببیە یارم

سەروی چیمەنی سەیرانم دەلیلی کۆچی کاروانم
ساتێ بێ تۆ پەرێشانم لەبۆ خاڵان بەقوربانم
حەزم لێیە حەزم لێیە ببیە یارم

Hezim lêye hezim lêye bibye yarim
Ey cwantirîn kiçî şarim
Nawit xoşe leser zam bibye yarî wefadarim
Hezim lêye hezim lêye bibye yarim

Bejin hêroy le naw rezî dilî minit be naz dizî
Zulifit leser min dexzî be çawanit gyanim tezî
Hezim lêye hezim lêye bibye yarim

Beharî cwanî azîzim taqegulî dem payîzim
Bo jîr nabî le amêzim wa mezane le to zîzim
Hezim lêye hezim lêye bibye yarim

Bûkî xewnî rastî minî tafte û perdey dilî minî
Were zanim toş wek minî hêz û temenî jînmî
Hezim lêye hezim lêye bibye yarim

Serwî çîmenî seyranim delîlî koçî karwanim
Satê bê to perêşanim lebo xalan bequrbanim
Hezim lêye hezim lêye bibye yarim