بۆ دەڕۆی

تۆ لە نێو چاو و دڵی مندا ڕواوی بۆ دەڕۆی؟!
ماڵی دڵ ئی خۆتە کەنگێ  دەرکراوی بۆ دەڕۆی؟!
کێ لە دەرد و ڕاز و ڕەمزی ئەو دڵەی تۆ تێ دەگا
من دەزانم توش وەکوو من  دڵ شکاوی بۆ دەڕۆی؟!
کوا لەوێ دەکرێ بە ئاواتی دڵت ڕاگەی گوڵم
لێرە هەر توم خۆشەویستی بەند و باوی بۆ دەڕۆی؟!
دەستەمۆ نابێ شەپۆلی ئەو خەیاڵەی ناخی من
گەرچی تامەزرۆی خەیاڵ و خەونی خاوی بۆ دەڕۆی؟!
من لە سەر ڕێگای ئەوینت تۆمی ئەشقم چاندووە
بۆ لە سەر وادە و بەڵینی خۆت نەماوی بۆ دەڕۆی؟!
هێندە ناسازە لە گەڵ شادی دڵم تا حەز بکەی
بۆ خەمی پرچت نەما جەرگ و هەناوی بۆ دەڕۆی؟!
تاکوو ڕزگاری لە سەر داخوازی مافی ئەم گەلەم
تۆش وەکوو من ڕۆڵە کوردی بەش خۆراوی بۆ دەڕۆی؟

To le nêw çaw û dilî minda rwawî bo deroy?!
Malî dil î xote kengê derkirawî bo deroy?!
Kê le derd û raz û remzî ew diley to tê dega
Min dezanim tuş wekû min dil şikawî bo deroy?!
Kwa lewê dekirê be awatî dilit ragey gulim
Lêre her tum xoşewîstî bend û bawî bo deroy?!
Destemo nabê şepolî ew xeyaley naxî min
Gerçî tamezroy xeyal û xewnî xawî bo deroy?!
Min le ser rêgay ewînit tomî eşqim çanduwe
Bo le ser wade û belînî xot nemawî bo deroy?!
Hênde nasaze le gel şadî dilim ta hez bikey
Bo xemî piriçit nema cerg û henawî bo deroy?!
Takû rizgarî le ser daxwazî mafî em gelem
Toş wekû min role kurdî beş xorawî bo deroy?