دواهەمین هەناری دونیا

زۆر ڕۆمانم ها بەلاوە
لە مارکێز و لە زۆرباوە
لە سۆفیێت
دووسێ ماچم
ها لە دەمی
ئانای ژنی کارنیناوە
کەسەردانی ئوروپام  کرد
گەیشتمە  ڕۆم
نانێکم خوارد
بە شەرابی ئیتالیاوە
لە دوایدا
چوومە پاریس
وتیان کامۆ
بە سەیارەی سقووتەوە
هەڵدێراوە
دڵم ڕەنجا و
تا لە  پراگ پێکەنینێک سەری لێدام
بە گاڵتەکەی کۆندۆراوە
دووسێ شەقامم تێپەڕاند
سووڕامەوە و نەیانهێشتم
بچمە کۆشکەکەی کافکاوە
بە کەشتییەکی شپرزە ی  خولخولەی سەری فرانتس
هەڵمدایە تۆزێک ژوورتر
چوومە قوڕنەی ئامریکاوە
لە قەراخی ڕۆمانێکدا
چاوەڕوانی ماسیگرێک
کە بێتەوە
چاوم لێ بوو
بە بێ ماسی
بەتاڵ بەتاڵێک هاتەوە
لە پیرەمێرد و زەریاوە
کچێک چاومەستی تەمەن کورت
جوڵەیەکی خستە پێستم
شەو نەنووستم ودانیشتم
بە دیار عەشقی لوولیتاوە
پاییز هات و
غوربەت تەنگی لێ هەڵچنیم
گەڕامەوە بۆ نیشتمان بە جانتاوە
وەک کتێبخانەی ژوورەکەی مامە یاسین
زۆر ڕۆمانم هابە لاوە
چێژی زۆریان پێ بەخشیوم
بەڵام هێشتا
دڵم هالای
مەی خۆشترین
دواین هەناری دنیاوە

Zor romanim ha belawe
Le markêz û le zorbawe
Le sofyêt
Dûsê maçim
Ha le demî
Anay jinî karnînawe
Keserdanî urupam kird
Geyştime rom
Nanêkim xward
Be şerabî îtalyawe
Le dwayda
Çûme parîs
Wityan kamo
Be seyarey siqûtewe
Heldêrawe
Dilim renca û
Ta le pirag pêkenînêk serî lêdam
Be galtekey kondorawe
Dûsê şeqamim têperand
Sûramewe û neyanhêştim
Biçme koşkekey kafkawe
Be keştîyekî şipirze y xulxuley serî firantis
Helmidaye tozêk jûrtir
Çûme qurney amrîkawe
Le qeraxî romanêkda
Çawerwanî masîgrêk
Ke bêtewe
Çawim lê bû
Be bê masî
Betal betalêk hatewe
Le pîremêrd û zeryawe
Kiçêk çawmestî temen kurt
Culeyekî xiste pêstim
Şew nenûstim widanîştim
Be dyar ’eşqî lûlîtawe
Payîz hat û
Xurbet tengî lê helçinîm
Geramewe bo nîştiman be cantawe
Wek kitêbxaney jûrekey mame yasîn
Zor romanim habe lawe
Çêjî zoryan pê bexşîwim
Belam hêşta
Dilim halay
Mey xoştirîn
Diwayn henarî dinyawe