شاخی ڕەنگاوڕەنگی کوردان

شاخی ڕەنگاوڕەنگی کوردان بائیسی کەیف و سروور
هەردەمە بەرگێک دەپۆشن گا سپی گا سەوز و سوور

وەسفی قەومی کورد ئەکەن تۆ بەو هەموو ڕەنگانەوە
ڕەنگی سوورتان شاهیدن بۆ کورد کە قەومێکن جەسوور

بەرگی بێ گەرد و سپیشتان گیانە وا هاوار دەکا
قەومی کورد دڵساف و پاکن میللەتێکن بێ قسوور

بەرگی کەسکیشتان دەڵێ ئەو خاکە هەر شیناییە
پڕ لە دەغڵ و دان و کانی سەر بە ڕزق و پڕ لە نوور

Şaxî rengawrengî kurdan baîsî keyf û sirûr
Herdeme bergêk depoşin ga spî ga sewz û sûr

Wesfî qewmî kurd eken to bew hemû renganewe
Rengî sûrtan şahîdin bo kurd ke qewmêkin cesûr

Bergî bê gerd û spîştan giyane wa hawar deka
Qewmî kurd dilsaf û pakin mîlletêkin bê qisûr

Bergî keskîştan delê ew xake her şînayîye
Pir le dexl û dan û kanî ser be rizq û pir le nûr