فاتمە دوو چاوی مەستت

فاتمە دوو چاوی مەستت پڕ تەلیسمی جوانییە
چاوەکەم دوو چاوی مەستت پڕ لە سیحر و جوانییە
پڕ شەرابی خۆشەویستی ئارەقی یەزدانییە
بەژن و باڵاکەت نموونەی هەیکەلی یۆنانییە
لار و لەنجەت موزیکایە بەستەیە گۆرانییە

گەرچی دڵداری لەم عەسری تازەیە ئەفسانەیە
هەر بە تەنها بۆ کوڕی خاوەن تەلار و ئانەیە
گیانەکەم ئەمما دڵی من لەو دڵە شێتانەیە
بێ ئەوەی هیچ شک بەرێ کوژراوی ئەو چاوانەیە

هەر بە تەنها خۆشەویستیت شک دەبەم ئەی چاوەکەم
سەروەتم ناوێ بزەی تۆ ئەوپەڕی ئاواتمە

Fatime dû çawî mestit pir telîsmî ciwanîye
Çawekem dû çawî mestit pir le sîhir û ciwanîye
Pir şerabî xoşewîstî areqî yezdanîye
Bejin û balaket nimûney heykelî yonanîye
Lar û lencet muzîkaye besteye goranîye

Gerçî dildarî lem esrî tazeye efsaneye
Her be tenha bo kurî xawen telar û aneye
Giyanekem emma dilî min lew dile şêtaneye
Bê ewey hîç şik berê kujrawî ew çawaneye

Her be tenha xoşewîstît şik debem ey çawekem
Serwetim nawê bizey to ewperî awatime