کوردستان میلکانمانە

کوردیم کورد خوەرهەڵاتیم میلکانمان کوردستانە
ئارمانجمان ئازادییە سەربەستییە کورد ژیانە
لە ئیلام و بەدرە و جەسان، مەنەلی تا خانەقینم
دێهلۆڕان و مێهران، ئەیوان، گیەڵان و قەسرشیرینم
سەرپێڵ کرن پالووم قوروە سونقوڕ بیجاڕ و هەرسینم
سومار سەهنە و ئەسەدئاوا و هەگمەتانەگەی دیرینم
هەگمەتانەگەی دیرینم

دەستەونەزەر ڕز بەسانە پیشڕەویان لۆڕستانە
شوون شەور و ڕاوێژ گرد شار گەورای کرماشانە
گشت ئۊشن کورد هەر کوردە لۆڕە کەڵوڕ جاف یا لەکە
گووران سووران و هەورامی کرمانج و زازای هەر یەکە

نە جیاوازی دین و مەزەو نە تەوفیر لەهجە و زار
نە هەڵکەفتەی شار و دێهات نە تەفرەقە و جەور زووردار
لە باوەڕمان ئەسەر نییەکەن کوردیم لە ڕیشە یەی داریم
خاکمان یەکە، زوانمان یەکە، گشتمان کورد یەی دیارم
جیا نیمن لە ئەردەڵان موکریان و ورمێ و ماکوو
هەق خوەمان وەدەس تێریم وەختێ پشتمان وە یەکەو بوو

Kurdîm kurd xwerhelatîm mîlkanman kurdistane
Armanciman azadîye serbestîye kurd jyane
Le îlam û bedre û cesan, menelî ta xaneqînim
Dêhloran û mêhran, eywan, gyelan û qesirşîrînim
Serpêl kirin palûm qurwe sunqur bîcar û hersînim
Sumar sehne û esed’awa û hegmetanegey dîrînim
Hegmetanegey dîrînim

Destewnezer riz besane pîşrewyan loristane
Şûn şewr û rawêj gird şar gewray kirmaşane
Gişt uşin kurd her kurde lore kelur caf ya leke
Gûran sûran û hewramî kirmanc û zazay her yeke

Ne cyawazî dîn û mezew ne tewfîr lehce û zar
Ne helkeftey şar û dêhat ne tefreqe û cewr zûrdar
Le bawerman eser nîyeken kurdîm le rîşe yey darîm
Xakman yeke, zwanman yeke, giştiman kurd yey dyarim
Cya nîmin le erdelan mukiryan û wirmê û makû
Heq xweman wedes têrîm wextê piştiman we yekew bû